Fuafua Brownlee ‘e fa’amamafa tūlaga māsani ‘a le Palemene ‘ona ‘o le haka ‘a Oriini Kaipara

‘Ua fa’atūlaga ‘e le Fofoga Fetalai Gerry Brownlee, se fuafuaga ‘e sā’ili’ili ai ni aiāiga ‘i le Palemene ‘ona ‘o le saunoaga fa’ataupou ‘a le tama’ita’i faipule fou ‘o Oriini Kaipara ‘i le vāiaso talu ai, ‘e lē gata na ‘ova ma le taimi fa’atapula’aina ‘ae na māe’a soso’o ai ma le waiata fa’apea ma se haka mai ana tagata lagolago. 

Na fa’amālōlō ‘e le fofoga fetalai taualumaga ‘a le Palemene mō minute ‘e 10 ma ia tu’ua le maota fono ‘i le Aso Tofi talu ai.  ‘E ui ‘e le’i fa’atasi ‘ona tā le logo ‘ina ‘ua 15 mīnute ‘o le saunoaga fa’ataupou ‘a le faipule peita’i sa ia le’i ‘amana’iaina ‘ae fa’aauau pea. 

‘I le fonotaga ‘a le Palemene ‘i le Aso Lua, na saunoa ai Brownlee, ‘e lēai ni fa’afītāuli ‘i le waiata po’o le haka peita’i ‘o le fa’afītāuli, ‘o le lē fa’aaloalogia ‘o taualumaga māsani ‘a le maota ‘e pei ‘ona va’aia ‘i lea aso.  ‘O tūlāfono tūmau ‘a le Maota, na fau mai lava ‘i le 171 tausaga ‘ua tuana’i, ‘e fa’atonutonu folau ai fa’agāsologa ‘a le maota fono ma fa’amautinoa ‘ia fofogaina finagalo ‘o ē ‘ua filifilia ‘i le Palemene.  ‘E tatau ‘ona fa’amuamua ‘i māfaufau ‘o sui ‘uma ‘o le Maota, le fa’aaloalo ma le tāua ‘o le tamāli’i’aga ‘e pei ‘ona saunoa le fofoga fetalai. 

Link to RNZ (Article) translated: https://www.rnz.co.nz/news/political/575894/brownlee-plans-crackdown-on-parliament-s-standards-after-oriini-kaipara-maiden-speech-haka

ATA: VNP/Phil Smith