Fono fa’anatinati le Pūlēgānu’u ‘a Uēligitone

‘O le ‘afa o le lua ‘i le aoauli nei ‘e faia ai se fono fa’anatinati ‘a le Pūlēgānu’u ‘a le ‘a’ai ‘o Uēligitone.  Fa’atoā ‘uma atu ‘ona fa’ailoa se finagalo ‘o le faigāmālō ‘e fa’apea ‘ua masofa le pūlēgānu’u mā ‘o le ‘ā iai lava le taimi ‘e aiā atu ‘i ai le faigāmālō pe ‘a fai ‘ua tatau ai.  ‘O le fonotaga lea ‘o le ‘ā faia ‘i le asō, ‘e talanoaina ai  teuteuga ‘o le fuafuaga alualu mamao ‘a le pūlēgānu’u ‘ina ‘ua pāsia ‘i se faigāpalota, ‘e le tatau ‘ona fa’atauina atu siea ‘a le malae va’alele.

Na saunoa le Minisitā ‘o Faigāmālō Lāiti, Simeon Brown, sā ia fesili moni fautuaga mai sui ‘o le mālō ‘i ni tonu ‘e ao ‘ona faia ‘e mafai ai ‘ona fa’asalāvei ‘i fuafuaga ‘a le Pūlēgānu’u ‘a le ‘a’ai.  ‘O le Aso Tofi ‘o le vāiaso talu ai, na faia ai se pālota ‘a sui ‘o le pūlēgānu’u ‘a Uēligitone, ‘e tāofi le fa’atauina ‘ese atu ‘o le 34 pasene ‘o siea ‘a le malae va’alele ‘o Uēligitone.

Link to RNZ (Article) translated by Savelina Kasiano: https://www.rnz.co.nz/news/national/530909/wellington-city-council-to-hold-urgent-private-meeting

ATA: Wellington Mayor Tory Whanau. Photo: RNZ / Reece Baker