Fōliga pito leaga a’afiaga ‘o tagata Pasefika mai le fa’ama’i – su’esu’ega ‘i le kōviti

‘O le vāega muamua ‘o le iloiloga ‘a le Komisi su’esu’e ‘a Niu Sila ‘i le tali ‘a le mālō ‘i le Kōviti, ‘ua tā’ua ai, sa pa’ū ‘i luga ‘o tagata Pasefika ma Māori, le ‘avega ‘o le lē pāleni ‘o le fa’asoaga ‘o le soifua mālōlōina.  Na tā’ua ‘i le līpoti, ‘o tagata Pasefika, ‘e fōliga mai ‘e māsani ‘ona i totonu ‘o le li’o ‘o le mafutaga ‘o tagata sā pito sili ‘ona a’afia ‘i le kōviti.  ‘E tele isi līpoti mai matāgāluega ‘a le mālō na fa’ailoa ai, a’afiaga ‘o tagata Pasefika mai le lē fetaui po’o le lē pāleni ‘o le tali atu, ‘i tūlaga tau ‘i aga feso’ota’i, tamāo’āiga, tūlaga ‘i le fesoasoani ‘i le māfaufau ma le tino, ma sā iloa lava ia fa’afītāuli ‘i le ‘ōgātotonu ‘o le 2021 ‘e o’o atu ‘i le fa’ai’uga ‘o lea lava tausaga, lea sa pepesi ai le Delta ‘i ‘Aukilani, ‘ae na telegese le faiga ‘o tui puipui mō tagata Pasefika.

‘O le isi itū na iai le popōlega, ‘o le fa’aaogaga ‘o le tracing app.  ‘O le puipuiga malu ‘o tūlaga patino, ‘o se atugaluga pito sili lea sā fa’amauina, ‘i pā puipui ‘o feso’ota’iga fa’atēkonolosi (digital contact tracing) pei ‘ona māua ‘i su’esu’ega.  ‘O nisi tagata Pasefika, sa le’i iai ni nofo mau, ma ‘e le’i nofo lelei ‘iā ‘i lātou le fa’ailoa o ō lātou fa’amaumauga pe tatala nisi feso’ota’iga, ‘ona ‘o le popōlega ‘i le tūlaga ‘o ō lātou pepa malaga.  Sa pito sili fo’i ‘ona a’afia Pasefika ma Māori ‘i le ‘umi ‘o māsina lea na tāpuni ma loka ai ‘Aukilani ‘i le 2021.  Sā tutumu fale na nonofo ai ma gālulue ‘i ‘au’aunaga sa pito sili ‘ona mo’omiaina, ‘ae sa pito maualalo fo’i le numera ‘o ē na faia o lātou tui puipui.

Link to RNZ (Article) translated by Savelina Kasiano: https://www.rnz.co.nz/international/pacific-news/535545/pacific-people-always-likely-to-be-worst-affected-by-pandemic-covid-inquiry

ATA:Pasifika and Māori were also “hit especially hard” in the months-long Auckland lockdown of 2021, the Commission of Inquiry into the Covid response says.  www.covid19lessons.royalcommission.nz