Folafola ‘e Tory Whanau ‘e lē fa’aopoopoina le tau ‘o lāfoga (rates)

‘Ua fa’aalia ‘e le pulenu’u ‘o le ‘a’ai ‘o Uēligitone, ‘ua alo ‘i luma le sā ‘o le pūlēgānu’u, ‘e toe teuteu la lātou fuafuaga alu alu mamao ma faia se gāioiga ‘i ni tūlaga ‘o le ‘ā lamatia pe āfāina ai ‘inisiua ‘a le pūlēgānu’u.  ‘E ao ‘i le pūlēgānu’u ‘ona sa’ili se ‘auala ‘e fa’atumu ai le avanoa telē ‘o le pāketi, ‘e tali ai ‘i ni fa’afītāuli ‘o ana ‘inisiua ‘ina ‘ua lē fa’atauina atu a lātou siea ‘o le malae va’alele.  ‘O le Aso Lulu na fono ai sui ‘o le pūlēgānu’u ‘a Uēligitone ‘e talanoaina le fuafuaga alu alu mamao ‘a le ‘a’ai, ‘a’o fa’alogoina ai ni fa’amatalaga ‘i le suitūlaga ‘o ni komesina ‘i le pūlēgānu’u. 

‘I se pepa ‘o fa’amatalaga ‘ina ‘ua māe’a le fono, na saunoa ai Tory Whanau, le pulenu’u ‘o Uēligitone, ‘e lēai sona manatu, ‘e fa’aopoopo pe si’itia ai lāfoga (rates) pe ‘ave’ese fo’i ni polōketi ‘e tāua mō le fa’atāolaolaga ‘o le ‘a’ai ma fa’aauau ai pea.  ‘O le asō ‘e feiloa’i ai le pulenu’u ma le Minisitā ‘o Faigāmālō Lāiti, Simeon Brown, ma ‘ua fa’ailoa ‘e Whanau, ‘o le ‘ā talanoaina ai le fuafuaga pei ‘ona ‘ioeina ‘e sui ‘o le pūlēgānu’u. 

Link to RNZ (Article) translated by Savelina Kasiano: https://www.rnz.co.nz/news/national/531003/wellington-mayor-tory-whanau-pledges-not-to-increase-rates-as-council-looks-to-amend-long-term-plan

ATA: Tory Whanau says her “bottom line” was to address the insurance challenge without further increasing rates. Photo: RNZ / Samuel Rillstone