Folafola ‘e le National le fa’amālosia ‘o le ‘auai ‘o tagata faigaluega ‘uma ‘i le Kiwisaver, $1500 ‘amata mō pepe fou

‘O le fa’ai’uga ‘o le vaiaso na faia ai le fono tele ‘a le patī ‘a le National ‘i le ‘a’ai ‘o Lower Hutt lea na fa’alauiloa ai āloa’ia ā latou polokalame ma fuafuaga ‘e finauina ai le pālota tele ‘iā Nōvema.

‘O se tasi ‘o ia fuafuaga, ‘e aofia ai le fa’amoemoe ‘e fa’amālosia le ‘auai ‘o tagata faigaluega ‘uma ‘i le fa’aputugātupe ‘o le KiwiSaver ‘atoa ai ma le maua ‘e pepe fou ‘uma ‘e fānanau mai ‘o se vāegatupe ‘e $1500 talā ‘e ‘amata ai ā latou saofaga mo le KiwiSaver.

‘Ae pei ‘ona silafia, ‘o le patī lenei ‘a le National, ‘ina ‘ua tūla’i mai ‘i le ta’ita’iga ‘o le mālō, na ō latou soloia ma ‘ave’esea le saofaga ‘e $1,000 ‘a le Mālō lea sa iai muamua mō tagata faigaluega ‘e amata ai ā latou saofaga ‘o lea fa’aputugātupe ‘a le Mālō.

Link to RNZ (Article) written by Lillian Hanly of RNZ: https://www.rnz.co.nz/news/political/609851/national-to-make-kiwisaver-compulsory-if-elected

IMAGE/ATA: RNZ/Lillian Hanly