Folafola ‘e le Mālō le 2.5 miliona tālā ‘e fesoasoani ai ‘i tamaiti ‘ina ‘ia pasi su’ega ‘o le NCEA

‘Ua fa’asilasila ‘e le mālō se vaegātupe ‘e $2.5 miliona ‘e fesoasoani ai ‘i tupulaga ‘e lē pasi ‘i su’ega ‘o le NCEA ‘i le faitau tusi, tusitusi ma le nūmera ‘i se taimi muamua atu ‘i le tausaga nei.  Na saunoa le Minisitā Erica Stanford, ‘o lea vaegātupe ‘o le ‘ā fesoasoani ‘i faiā’oga ‘o ā’oga ‘e tusa ma le 160 ‘i a’oa’oga ‘o le faitau ma le tusitusi fa’apea le nūmera, fa’atasi ai ma ni taimi ‘e ‘ese mai taimi māsani ‘o ā’oga, ‘e fa’apotopoto ai ‘i ni kulupu lāiti tamaiti, mō ni a’oa’oga. 

‘E tusa ma le 10,000 le aofa’iga ‘o tamaiti ā’oga ‘o le ‘ā manuia ai ‘i le kuata lenei ma le kuata muamua ‘i le tausaga ‘ā sau.  ‘O ia tupe sā fa’avae ‘i luga ‘o le i’uga ‘o su’ega na faia ‘iā Mē, mā ‘e na’o le 46 pasene ‘o le 55,000 ‘o tamaiti na su’e, sā pasi ‘i ia su’ega.  ‘E 59 ma le 56 pasene le pasi ‘o tamaiti na su’e ‘i le faitau ma le tusitusi. 

 Link to RNZ (article) translated by Savelina Kasiano: https://www.rnz.co.nz/news/political/532492/government-announces-2-point-5m-boost-to-help-teens-pass-new-ncea-tests

Ata: Getty Images