Folafola ‘e le Labour ‘e fa’atapula’a ‘i le $20 ‘i le vāiaso le pāsese ‘i feoā’iga lautele, $10 ‘i ‘a’ai ‘i fafo atu

‘Ua folafola ‘e le vāega fa’a’upufai ‘a le Labour, ‘o le ‘ā fa’atapula’aina ‘i le $20 ‘i le vāiaso le pāsese ‘o le tagata ‘i feoā’iga lautele ‘i totonu ‘o ‘a’ai tetele ma le $10 ‘i isi pitonu’u.  Na fa’asilasilaina lea pōlisi ‘a le Labour ‘i le Aso Lulu ma na saunoa le ta’ita’i Chris Hipkins ‘o le ‘ā toe maua ai ni tupe ‘i taga ‘a tagata Niu Sila.

‘O se fa’amāmā ‘avega moni lea mō le tau ‘o le soifuaga pei ‘ona ia saunoa.  Peita’i ‘o le ‘ā lē manuia ai tagata ‘i nu’u ‘i tua ‘e lēai ni feoā’iga lautele.  ‘E ‘āmata fa’amamaluina lea pōlisi ‘i le aso 1 Iulai 2027, ma ‘e $20 ‘i ‘Aukilani, Uēligitone ma Kalaiesetete, ‘ae ta’i $10 ‘i isi ‘a’ai ‘o Niu Sila.  ‘E ala ‘ona $20 ‘i ‘a’ai tetele ‘ona ‘e tele ‘au’aunaga ‘o lo’o mafai ‘ona maua, ma taugatā atu ai fo’i.

‘E tusa ma le $65 miliona ‘e fa’atupeina ai ‘i tausaga ta’itasi, fa’aaogā ai le tusa ma le tasi le pasene ‘o le National Land Transport Fund.  ‘O ia tau, ‘o le ‘ā fa’aaogā ‘i pasi, nofoāafi ma nisi ‘o feoā’iga ‘i va’a ‘i le sami.  Pe tusa ma le ta’i $25 ‘e mafai ‘ona fa’asaoina ‘i le vaiaso mō tagata ta’ito’atasi po’o le $1200 ‘i le tausaga ‘e fua ‘i le tele ‘o taimi ‘e malaga ai.

Link to RNZ (Article) by Lauren Crimp of RNZ: https://www.rnz.co.nz/news/political/597767/labour-vows-to-put-20-a-week-cap-on-public-transport-10-outside-main-centres

CAPTION: Labour leader Chris Hipkins
IMAGE/ATA: RNZ / Mark Papalii