Filifilia Sititi ‘i le lisi ‘o ē ‘e fili ‘i ai le “breakthrough player” ‘o le tausaga

‘O Wallace Sitiiti ‘o le ‘Olopeleki, ‘e to’afā ‘i ai tama ‘o le ‘ā fili mai ai po’o ai ‘e tu’uina atu ‘i ai le fa’ailoga ‘o le breakthrough player of the year, po’o le tama talavou ‘e fou ‘i ta’aloga tetele ‘o le lakapi, ‘ae ‘ua maoa’e le tūlaga ‘o lana ta’alo, ‘o se tūlaga fo’i ‘e le’i māfaufauina ‘e o’o ‘i ai le lelei, ‘e lē gata ‘o lona malosi ‘ae fa’apea ‘i lona tomai ‘i le tā’aloga.  ‘O isi tama ‘e to’atolu, ‘e mai Aferika ‘i Saute, ‘Egelani ma ‘Aialani. 

‘O Sititi fa’ato’ā 22 ona tausaga.  Na fa’aalia ‘e Sititi lona agaga fa’agae’etia.  ‘O se tausaga telē lenei mo ia, ma ‘o le iai fa’atasi ‘i le lisi ma nisi ‘o tama lakapī ‘ua iloga ‘i le ta’aloga ‘e pei o Sasha, Manuel ma Jamie ‘o se fa’aeaeaga lea mō ia.  Sa le’i mafaufauina ‘e o’o ‘i se tūlaga fa’apea, pe tasi lava se ta’aloga ‘e ta’alo ai ‘i le Chiefs ‘o se fiafiaga lea mo ia. Peita’i, ‘o le iai ‘i le tūlaga pei ‘ona iai ‘i le taimi nei, sā ia le’i māfaufauina.  ‘Ātonu ‘o lea fa’ato’ā ia talia fa’atasi ma lona ‘āiga ‘o le tūlaga lea ‘ua iai, ‘ae ‘o le ‘ā tūmau pea le loto maualalo, ma āga’i pea ‘i luma.  ‘Ua sāuni le ‘Olopeleki ‘i le tā’aloga ma le ‘au ‘a Italia ‘i le fa’ai’uga ‘o le vāiaso.

Link to RNZ (Article) translated by Savelina Kasiano: https://www.rnz.co.nz/news/sport/534190/wallace-sititi-s-sporting-success-recognised-by-world-rugby

ATA: All Blacks / FB.