Filifilia le Fa’atonu sili fou ‘o le Malaghan Institute ‘i Uēligitone

‘Ua filifilia Polōfesa Kjesten Wiig, ‘e ‘avea ma Fa’atonu sili fou ‘o le Malaghan Institute of Medical Research ‘i Uēligitone.  ‘Ae ‘o le ‘ā fa’aauau pea ‘ona iai Polōfesa Graham Le Gros ‘i se tofiga ta’ita’i.  Lea ‘ua tōfia ai ‘e ‘avea ma Sui Ta’ita’ifono ‘o le Trust Board fa’apea ma se faufautua ‘i le Fa’atonu fou.

Sa fa’aalia ‘e le ta’ita’ifono Sir Paul Collins ‘ua fa’ailoa le agaga fiafia ‘o le Komiti fa’atonu ‘o le fa’alāpotopotoga, ‘e filifilia se tasi ‘e fa’aaloalogia ma ‘ua lava sāuni fo’i ‘e fa’atino lona tofiga ‘i le Malaghan.  ‘E telē fo’i lana gāluega ‘o le ‘ā fai ‘ona ‘o le maoa’e ‘o le tautua sa fa’atinoina ‘e polōfesa Graham.  Na iai tofiga na ‘ūmia ‘e Polōfesa Wiig ‘i le Malaghan Institute talu mai le 2022 ma sā tōfia ‘e ‘avea ma sui fa’atonu ‘i le ‘āmataga ‘o le 2024, ma le fa’anaunauga ‘e se’e atu ‘i le tofiga ‘o le fa’atonu sili. 

‘O le aso 1 Ianuari 2025 ‘e ‘āmata ai Polōfesa Wiig ‘i le tofiga ‘o le Fa’atonu Sili ma le tofiga ‘o Polōfesa Le Gros ‘i le Sui ta’ita’ifono ‘o le Komiti fa’atonu ‘o le fa’alāpotopotoga.  ‘E māsani ‘ona fa’atalanoa ‘i le Si’ufofoga ‘o le Laumua po’o la tātou leitiō, le ali’i polōfesa ‘o Le Gros ma nisi ‘o le Malaghan Institute, le vāega su’esu’e mō togafitiga ‘auā gasegase.

Link to Press Release translated by Savelina Kasiano: https://shorturl.at/e0Rta

ATA: Supplied. Professor Kjesten Wiig, Professor Graham Le Gros.