Feto’ai se ta’avale leoleo ma le ta’avale na iai totonu Christopher Luxon ma Nicola Willis

‘O lo’o faia su’esu’ega ‘i le ta’avale leoleo lea na feto’ai ma le limo na ‘ave ai le palemia Christopher Luxon ma le Minisitā o Tupe Nicola Willis ‘i le Aso Lulu ‘o le vaiaso nei. Na āga’i atu Luxon ma Willis ‘i le malae va’alele ‘i Uēligitone pē tusa o le 3:30 ‘i le aoauli ‘o le Aso Lulu, ‘ae so’a ai loa ‘e se ta’avale a leoleo le pito ‘i tua ‘i Cobham Drive. Na tāʻua e Luxon sā fa’ate’ia ‘o ia, peita’i o lo’o lelei mea uma. Sā i le Palemene Luxon ma Willis mō se feiloa’iga ma le ‘aufa’asalalau ‘e tali atu ‘i le pa’ū o le pasene tului ‘o tupe pei ona fa’asilasila ‘i le Aso Lulu. Na fa’ailoa e le sui so’o’upu o le Matāgāluega ‘o Matā’upu tau ‘i le  Lotoifale, na afaina le pito ‘i tua ‘o le limo ma o lo’o fa’aauau ona faia ai su’esu’ega.

Link to RNZ (Article) translated by Anna Fa’asolo: https://www.rnz.co.nz/news/national/535069/investigation-launched-after-police-vehicle-crashes-into-limo-carrying-christopher-luxon-and-nicola-willis

ATA: Christopher Luxon and Nicola Willis were on their way to Wellington Airport when a police car crashed into the back of their limo. File photo Photo: Marika Khabazi / RNZ