Fausia ‘e le NIWA se meafaigāluega fou ‘i le AI ‘e valo’ia ai lōlōga tetele.

‘Ua fausia ‘e le NIWA po’o le National Institute of Water and Atmospheric Research, se ata fa’ata’ita’i ‘e fa’aaogā ai le Artificial Intelligence po’o le poto fa’afōliga ‘o masini tēkonolosi, ‘e mafai ai ‘ona valoia lōlōga tetele ‘i totonu ‘o ni nai mīnute. Na tāʻua ‘e le pule ‘o le NIWA, Nava Fedaeff, ‘o loʻo faʻaogāina ‘e le aufaigāluega se isi itū’āiga ‘o faʻataʻitaʻiga ‘e vaʻaia ma valoia ai lōlōga, peita’i ‘e 24 ītūlā ‘e faʻatautaia ai ma fa’atali ai faʻamatalaga. ‘E o’o atu ‘i le taimi ‘e maua mai ai fa’amatalaga, ‘ua lolovaia nofoaga ‘ona ‘o le tuai ‘o ia meafaigāluega.

‘O le tēkonolosi fou ‘o le ‘ā a’oa’o mai ‘i masini ‘e mafai ‘ona sefe ai le taimi.  Fa’aalia ‘e Fedaeff, sā lātou fa’atusatusaina meafaigāluega tuai ma le AI, ‘e sa’o ‘āto’atoa fa’ai’uga ma iloiloga mai ‘i le AI. ‘Ā māfaufau le to’atele ‘o tagata ‘i le AI, ‘e māsani ‘ona manatu ‘i le tele ‘o Gagana ma fōliga va’aia fa’ata’ita’i ‘e fa’aaogā ‘e le Chat GPT. ‘O le taimi lava ‘e a’oa’o ai le fa’ata’ita’iga ‘o le AI, ‘e mafai ‘e le NIWA ‘ona fa’asoa le tele ‘o fa’amaumauga ‘o vāega ‘o vaitafe, mā ‘e mafai ai ‘e le AI ‘ona valoia lōlōga ‘o le ‘ā tutupu.

Link to RNZ (article) translated by Savelina Kasiano: https://www.rnz.co.nz/news/national/532420/niwa-turning-to-ai-to-forecast-flooding-faster

Ata: Guy Dowding/High Country Helicopters – Flooding in Southland.