Fana sesē ‘e le tamaititi 10 tausaga se taule’ale’a tuli manu (Hunter)

‘O le tāeao analeila na tula’i ai le tamā ‘o le tamaititi 10 tausaga lea na ia fana sesēina se tagata ma maliu ai, tūla’i luma le fa’amasinoga māualuga ‘i Gisborne, ma ‘ioeina ai mōliaga ‘o le fa’asioti tagata pa’I valea, ‘ūmia fa’asolitūlāfono se fana, ‘ūmia ‘o se fana ‘e aunoa ma se laisene ma le ‘ūmia ‘o se lā’au fa’asāina. ‘O lo’o tāofia pea ‘i le to’ese mō le lauina ‘o lona fa’asalaga se’ia o’o ‘i le Aso 9 ‘o Tēsema. ‘I le līpoti ‘a le Stuff, na fa’aalia ai ‘o le taule’ale’a 44 tausaga iā John Atkins ‘ua maliu, na tutuli manu ma ana uō ‘e to’atolu ‘i Tauwhareparae Rd, Tolaga Bay, ‘i le pō ‘o le Aso 24 ‘o ‘Aukuso.

Na fetaui ma le tamā ma lona atali’i 10 tausaga ‘i le vaomatua, ‘o lo’o tutuli ma fana manu mai ‘i totonu ‘o le lā piki ‘apu. ‘O taimi ‘uma ‘e va’aia ai ‘e le tamā se possum, nate fa’atonuina lona atali’i ‘e fana. ‘I le mā’ea ai ‘o le tele ‘o manu na  fana ‘e lona atali’i, na toe fesili atu ai le tamaititi 10 tausaga ‘i lona tamā, ‘ua sāuni ‘e fana le isi manu, ma faiatu ‘iai le tamā ‘ua lelei, ‘e aunoa ma se siakiina ‘i le mea vā’ai. Na fa’atonuina ‘e le tamā lona atali’i ‘e aga’i ‘e siaki le manu pē ‘ua mate, peita’i na toe taliu ane le tamaititi ma tagi, ‘e le’o se manu na ia fanaina ‘o le taule’ale’a. Na taumafai lē ‘ua mōlia ‘e fesoasoani ‘e lavea’iina le soifua ‘o lē na a’afia, peita’i na maliu ai lava ‘i le falema’i.  

Link to RNZ (article) translated by Anna Faasolo: https://www.stuff.co.nz/nz-news/360462818/10-year-old-boy-fatally-shot-hunter-father-admits-manslaughter-charge

Ata: Stuff – John Atkins was shot dead on a hunting trip near Tologa Bay, on the North Island’s East Coast.