Falepuipui mō le lua ma le ‘afa tausaga ‘i le gaoi pāua

‘E lua ma le ‘afa tausaga na fa’asalaina ai ‘i le falepuipui se tamā ‘e 63 tausaga le matua ‘e le Fa’amasinoga Fa’aitūmālō ‘o Porirua ‘i le Aso Lua, ‘i moliaga ‘i lalo ‘o le Tūlāfono ‘o Faigāfaiva pei ‘ona faia ai ‘e le Matāgāluega mō Primary Industries le tagi.  ‘Ua fa’asāina fo’i ‘ona toe fāgota mō tausaga ‘e tolu. 

‘O Nōvema 2022, na faia ai ‘e le ‘Ōfisa ‘o Faigāfaiva se su’esu’ega ‘i le fale ‘o lea tamā ma maua ai ni pāua se 65 ‘o fa’amālō ‘i totonu ‘o le pusa’aisa, fa’atasi ai ma ni pāua ‘o lo’o iai lava atigi ‘e 554 ‘i totonu ‘o se isi pusa’aisa.

‘Ua maoa’e le tele tele ‘o nei pāua ‘ua fa’aonosefulu ‘ua maualuga atu ai, nai lō le aofa’iga fa’atagaina ‘e tatau ‘ona fāgotaina ‘i le aso.  ‘E 45 pāua ‘e lē ‘ausia le lāpopo’a fa’atagaina.  ‘A’o tatala ‘i tua le tamā ‘e fa’atali ai lona fa’asalaga, sa ia toe fāgotaina fo’i isi pāua ‘e 48, ‘e aofia ai pāua ‘e 29 ‘e i lalo ifo ‘o le lāpopo’a fa’atagaina. 

Sā fuafua fo’i lea tamā ‘e fa’atau atu ia pāua, ‘o se gāioiga ‘e fa’asā pei ‘i le tūlāfono pei ‘ona fa’aalia ‘e Phil Tasker, ‘o le ‘Ōfisa ‘o Faigāfaiva.

– Matāgāluega mō Primary Industries

Link to MPI (Release) translated: https://www.mpi.govt.nz/news/media-releases/paua-poacher-jailed-for-2-and-a-half-years/

ATA: Supplied / Ministry of Primary Industries.