Faitau selau meafaigāluega ‘a le falema’i ‘i Dunedin ‘e fa’aletonu ‘ona fa’amamāina ‘i le tausaga

‘E lē’o o’o le nofoaga ‘e fa’amamā ai meafaigāluega ‘i le falema’i ‘i Dunedin, ‘i le tūlaga ‘e tatau ‘ona ‘ausia ‘e tusa ai ma lipoti ‘a le Te Whatu Ora po’o le Soifua Mālōlōina ‘a Niu Sila. 

Pē tusa ma le 500 ni matā’upu ‘e tūla’i mai ‘i le tausaga ‘e lipoti ai ‘e le ‘aufaigāluega ‘e tāpenaina meafaigāluega ‘i potu mō ta’otoga ‘e fa’aleagaina.  ‘I le tausaga ‘e 2021, ‘e lima ni ta’otoga na ‘āmataina ‘a’o le’i toe iloa ane ‘e le ‘aufaigāluega ‘e le’i fufuluina mamā a lātou meafaigāluega.  Peita’i ‘e le’o fa’ailoaina ‘e le Te Whatu Ora, pe na iai ni gasegase na āfāina ai mai ni fa’afitāuli na tutupu lata mai.  ‘O lo’o fa’agāsolo gāluega ‘e toe fa’a’ātoa ai vāega ‘e le’o lelei ‘o le ‘au’aunaga ‘a le falema’i ‘o Dunedin.  Na ulua’i lipotia ia fa’afitāuli ‘i le 2021, ‘ae na toe iloilo ‘i le 2022 le gāluega ‘e fa’aleleia ma si’itia ai le tūlaga ‘o le nofoaga ‘autū ‘e fa’amamā ai meafaigāluega ‘a le falema’i ‘i Dunedin pei ‘ona lipotia ‘e le Leitiō Niu Sila. 

Link to RNZ (Article) translated by Savelina Kasiano: https://www.rnz.co.nz/news/national/525058/dunedin-hospital-woes-you-can-not-perform-surgery-and-not-have-sterilised-equipment

ATA: RNZ.