Faitau afe tusifolau Niu Sila ‘o le ‘ā ‘uma le aogā

‘Ua fautuaina tagata Niu Sila ‘o sāuni ni faigamalaga ‘i fafo ‘i le taumāfanafana ‘ina ‘ia siaki tusifolau po’o ā aso ‘e māe’a ai le aogā, ‘ona ‘e māe’a ‘i le māsina nei, le aogā ‘o tusifolau ta’i 10 tausaga le ‘umi.  ‘O le māsina ‘o Nōvema ‘i le tausaga ‘e 2015, na toe ‘āmata ai le ta’i 10 tausaga ‘o le aogā ‘o le tusifolau Niu Sila, ma ‘ua māua ‘i fa’amaumauga, ‘i le vā ‘o le taimi lenei ‘e o’o atu ‘i le aso 31 Tēsema, ‘e tusa ma le 26,420 le aofa’iga ‘o tusifolau ‘o le ‘ā māe’a ai o lātou aogā.  ‘Ae ‘o le isi 250,000 ‘o le ‘ā māe’a le aogā ‘i le ‘afa muamua ‘o le tausaga ‘e 2026.

‘O le tele lava ‘o talosaga ‘e fa’agāioi ‘i totonu ‘o aso faigāluega ‘e 10 peita’i, ‘e tatau ‘i tagata malaga ‘ona tu’uavanoa ‘i vāiaso ‘e fā po’o le 20 aso faigāluega, ‘ina ‘ia taumamao ma ni fa’afītāuli pei ‘ona fa’aalia ‘e Adrian Jarvis ‘o le Matāgāluega ‘o Matā’upu ‘o le Lōtoifale.  ‘O le vāiaso talu ai, ‘e 91.1 pasene ‘o talosaga, na talia ‘i totonu ‘o aso faigāluega ‘e 10 peita’i, ‘o lo’o lātou fautuaina pea le atunu’u ‘e lelei lava le 4 ‘o vāiaso, le ‘umi ‘e tatau ‘ona fa’ao’o atu ai talosaga mō ni tusifolau fou.

Link to 1News (Article) translated: https://www.1news.co.nz/2025/11/13/thousands-of-nz-passports-expiring-as-10-year-renewal-surge-begins/

ATA: 1News.