Faitau afe tagata Niu Sila ‘ua ō ‘i ‘Ausetālia

‘O ‘Ausetālia ma Niu Sila ‘o ni atunu’u ‘e tuā’oi, ‘e vāvā latalata le la faigā uō ma ‘e tele na tauvā ‘i ta’aloga. ‘Ae sā matua’i telē le ‘ese’esega ‘i ō lā’ua tamāo’āiga ‘i ni nai tausaga ‘ua tuana’i. ‘Ua silia ma le fa’alua ona līpotia le fa’alētonu ‘o le tamāo’āiga ‘o Niu Sila ‘i totonu ‘o le lua tausaga, ma ‘ua fa’atuputupula’ia ai le nūmera ‘o tagata Niu Sila ‘e āga’i atu ‘e sa’ili manuia ‘i ‘Ausetālia.

‘O le tau ‘o le soifuaga ‘ua lē gafatia ‘e tagata Niu Sila pei ona fa’aalia ‘e Alex Cashmore, na malaga āga’i ‘Ausetālia ma fa’amautū ‘i Melepone ‘i le tausaga nei. ‘O le tausaga ‘ua tuana’i na fa’amauina le tusa ma le 27,000  tagata Niu Sila na malaga ‘ese atu mō ‘Ausetālia, pei ona fa’amauina ‘e le Stats NZ. ‘O le fa’amuta ai ‘o le tele ‘o gāluega mai ‘i matāgāluega ‘a le mālō, le a’afiaga tele ‘o le āga’i ‘o tagata ‘i ‘Ausetālia, ‘e sa’ili gāluega ma sa’ili manuia ai.

Link to RNZ (Article) translated by Anna Faasolo: https://www.rnz.co.nz/news/national/531085/nz-s-sluggish-economy-lures-thousands-of-kiwis-to-australia

ATA: Alex Cashmore and his wife Taya moved across the ditch this year – RNZ