Faitau afe tagata faigāluega ‘a le MBIE ‘o le ‘ā solo tete’e

Pe ā ma le to’a 2700 tagata faigāluega ‘a le MBIE po’o le Matāgāluega ‘o Pisinisi, Fa’afotuga ‘o ma’ema’e fou ma Gāluega, ‘e faia la lātou tete’e ‘i le taeao nei.  Na fa’aalia ‘e le ‘Asosi ‘a tagata faigāluega ‘a le Mālō, sa faia fa’atalanoaga mō le silia ma le 10,000 ‘o tagata faigāluega ‘e aofia ai ‘i lātou ‘e gālulue ‘i le MBIE, Matāgāluega ‘o Matā’upu ‘o le Lōtoifale, Falepuipui ma le Matāgāluega ‘o Aga Feso’ota’i.

Na tā’ua ‘e le failautusi ‘o le ‘Asosi, Fleur Fitzsimons, ‘o lo’o feagai tagata faigāluega ‘uma ia, ma ni ‘ofo ‘o totogi ‘e matuā maualalo ifo nai lō le tau ‘o le soifuaga.  Na tā’ua ‘e le iuni, ‘e pito to’atele tagata faigāluega mai le ‘ōfisa ‘o femalāgā’iga, ‘o le to’atele fo’i ‘o ē ‘e tusa ma le ta’i $70,000 totogi ‘i le tausaga pei ‘ona tā’ua ai ‘e le RNZ.

Link to RNZ (Article): https://www.rnz.co.nz/news/politics/763020/thousands-of-mbie-workers-stop-work-over-pay-offers-well-below-inflation

IMAGE/ATA: RNZ.