Faigatā filifiliga ‘a faiā’oga po’o ai tamaiti ā’oga ‘ua sāuni mō su’ega ‘o le NCEA

Pē tatau ‘i talavou ‘ona su’e ‘i su’ega maualuga ‘o le NCEA, ‘i le faitau tusi ma le nūmera a’o le’i sāuni? ‘O se fesili ‘o lo’o feagai ma ā’oga ‘i le atunu’u, ‘a’o sāuni atu ai ‘i su’ega faitau tusi, tusitusi ma le nūmera.

Na fa’ailoa ‘e faiā’oga ‘i le leitiō Niu Sila, ‘e toʻatele tamaiti āʻoga ‘e mo’omia le fa’amāsani ‘i le faiga ‘o suʻega ‘i luga ‘o le ‘initaneti, ‘ae ‘o le silia ma le fa’alua ‘ona lē pasi, le māfua’aga ‘e fa’atūtū gatā ai isi tamaiti ‘e toe su’e fa’alua pē fa’atolu ‘i su’ega. Na lipotia ‘e faiā’oga, ‘o le to’atele ‘o tupulaga na lesitala ‘e suʻe ‘i suʻega ‘o le faitau tusi, tusitusi ma le nūmera ‘i luga ‘o le ‘initaneti mai ‘i le aso 9 ‘i le aso 20 ‘o Sētema, na lē manuia ‘i su’ega na fai iā Mē.‘E na’o le 46 pasene ‘o tamaiti ā’oga ‘e 55,000 na taumafai ‘i le su’ega ‘o le nūmera na pasi, ma ‘o le faitau tusi ma le tusitusi na pasi le 59 ma le 56 pasene.’O le to’atele ‘o tamaiti na taumafai ‘e su’e iā Mē, ‘e mai ‘i le Tausaga 10, ‘ae tusa ma le 20,000 sa ‘i le Tausaga 11.

‘E silia ma le fa’atolu na lē pasi ‘o le to’atele ‘o talavou ‘i vasega 10 ma le 11 ‘e tusa ai ma lipoti. Na fa’ailoa ‘e faiā’oga ‘i le RNZ lātou te vave mana’omiaina ni fa’amatalaga manino mai ‘i su’ega  ta’itasi, ‘ina ‘ia lātou iloa ai po’o fea le vāega tonu ‘e mo’omia ai ‘e tamaiti ā’oga le fesoasoani ma le lagolago. Na lātou manana’o fo’i ‘ia vave maua fa’ai’uga, ‘ina ‘ia lava le taimi ‘e tāpena ai ‘i lātou na lē manuia, mo le isi ta’amilosaga ‘o su’ega.

Link to RNZ (Article) translated by Anna Fa’asolo: https://www.rnz.co.nz/news/national/527139/teachers-struggle-to-decide-which-students-are-ready-for-tests-which-aren-t

ATA: Sāmoa Capital Radio (file).