Leiloa pea le 159 afe tālā mai le osofa’iga na tupu ‘i le masini tala tupe ‘o le ATM, ‘e se teine ma sona tamā

‘E lata ‘i le $200,000 na gaoi ‘e se tama’ita’i sā galue ‘i le Armourguard, mai se masini tala tupe po’o le ATM machine.  Sā ia fa’aaogāina ni fa’amaumauga fa’apitoa ‘a le kamupanī, ‘e gaoi ai lea tupe, ma sā gālulue fa’atasi ai ma lona tamā.

Na mafai ‘e leoleo ‘ona toe maua le silia ma le $30,000, totoe ai le silia ma le $159,000 ‘e le’i maua.  Ma ‘e iai le māsaloga ‘o se leoleo, ‘ātonu ‘o lo’o tanu ‘i le Coromandel.

‘O le gāluega ‘a le tamā ‘o Jessie-Lee Daniela-Ranford, 26 tausaga le matua, ‘o le ‘avega ‘o le ta’avale, na sōsola ‘ese ai ‘ina ‘ua ‘uma ‘ona gaoi le tupe.  Na tūtūlala’i ‘i lā’ua ‘uma ‘i le fa’amasinoga Fa’aitūmālō ‘o Hamilitone ‘i le Aso Lulu mō le tōlaulauga ‘o o lā fa’asalaga.  Peita’i na toe tolopō ‘e Fa’amasino Glen Marshall le matā’upu, se’i tu’uavanoa ‘i ai ‘e taumafai ‘e māfaufau po’o fea ‘o iai le tupe.  ‘O lea ‘e fai mai le afafine, ‘o le tamā lea ‘e va’aia le tupe, ‘ae fa’apea fo’i le tamā, ‘o le afafine lea ‘e va’aia le tupe.  ‘O lo’o tatala ‘uma ‘i lā’ua ‘i tua ‘ae toe tūla’i ‘i le māsina fou, ‘e tōlaulau o lā fa’asalaga.

Link to RNZ (Article) translated: https://www.rnz.co.nz/news/national/564538/159k-still-missing-after-ex-armourguard-employee-raided-atm-with-dad-driving-getaway-car

ATA: Belinda Feek / RNZ.