Fa’atupe ‘e le ‘au fai lāfoga pili ‘o fuālā’au mō kānesa mō gasegase ‘i falema’i fa’atūma’oti

‘O le maumauga ‘o tupe ‘a le ‘au fai lāfoga le fa’ai’uga ‘a le mālō ‘e fa’atupe ai fuālā’au mō kānesa ia ‘e totogi ‘e le mālō, mō gasegase tūma’oti ma ‘o le ‘ā ātili ai fo’i ‘ona ‘umi taimi fa’atalitali ‘e pei ‘ona fa’aalia ‘e le Vāega Fa’a’upufai ‘a le Labour. 

‘E ‘āmata atu ‘i le aso 1 Iūlai, ‘ona fa’atupeina ‘e le ‘au fai lāfoga, le tau ‘o ni fuālā’au ‘o le kānesa mai vaegātupe fou ‘o le ‘ā fuafuaina ‘i falema’i fa’atūma’oti mō le 12 māsina ‘i lalo ‘o se fesuiā’iga fou. 

Na saunoa le so’o’upu ‘a le Labour mō le soifua mālōlōina, Dr Ayesha Verrall, ‘o le to’atele ‘o tagata Niu Sila, ‘e lēai ni ‘inisiua ‘o le soifua mālōlōina fa’atūma’oti, pei ‘ona fīnau atu ai ‘i le Minisitā lagolago ‘o le Soifua Mālōlōina, David Seymour ‘i le Aso Lulu.

Pe lē tatau ‘ona fa’aaogāina nei tupe ‘e totogi ai ni oncologists ‘i falema’i ‘a le mālō ‘ina ‘ia mafai ‘ona maua fua ‘e tagata ia ‘au’aunaga, pei ‘ona saunoa ai Dr Verrall.  Na tē’ena ‘e Seymour se tu’ua’iga ‘a le Labour ‘e fa’apea ‘o lea ‘ua tu’u atu se isi saofaga ‘i gasegase fa’atūma’oti ‘e ala mai ‘i ia suiga.  Na saunoa Verrall, ‘o le popōlega ‘o fōma’i ‘o gālulue i falema’i ‘a le mālō, ‘o le toe ‘ave fo’i ‘o isi punā’oa ‘i ‘au’aunaga fa’atūma’oti ‘o le ‘ā ātili si’itia ai le tūlaga lē tutusa, fa’apea ma taimi fa’atalitali mō gasegase ‘e lē gafatia ‘ona fa’atupe ni togafitiga po’o le tausiga fa’atūma’oti.

Link to RNZ (Article) translated: https://www.rnz.co.nz/news/national/564541/taxpayer-to-foot-the-bill-for-cancer-drugs-for-private-patients

ATA: SCR (file).