Fa’atonuina ‘e le faigāmālō so’ofa’atasi le Soifua Mālōlōina ‘ina ‘ia ‘aua ne’i fa’apea, ‘o tagata ma’itaga

‘Ua fa’atonuina ‘e le Faigāmālō So’ofa’atasi le Soifua Mālōlōina ‘a Niu Sila, ina ‘ia ‘aua ne’i toe fa’apea, ‘o tagata ma’itaga ‘ae ‘ia ta’u lava le ītūpā ‘o tama’ita’i po’o tinā, pe ‘ā fai a lātou fetusiā’iga po’o feso’ota’iga ‘e fa’atatau ‘i matā’upu tau ‘i le soifua mālōlōina.

Na tusi atu le Minisitā lagolago ‘o le Soifua Mālōlōina, Casey Costello ‘i le pule sili lē tūmau ‘o Dr Dale Bramley ‘i le aso 27 Mati, ‘e ta’u atu ‘i ai, ‘ina ‘ia fa’amanino le gagana.

Na fa’aalia ‘e Costello, ‘e iai ni pepa ‘o fa’amatalaga ‘ua o’o atu ‘i lona ‘ōfisa, ‘o fa’amatala ai tama’ita’i po’o tinā, ‘o tagata ma’itaga, ‘o tagata ta’ito’atasi ‘e fānanau.  ‘E nā’o tama’ita’i po’o tinā ‘e mafai ‘ona ma’itaga ma fānanauina ni tamaiti.  Na saunoa le sui minisitā, ‘e tāua le fa’amanino po’o ai tonu tagata ‘o lo’o fa’atatau ‘i ai se fa’amatalaga pe ‘ā o’o ‘ina talanoa ‘i le soifua mālōlōina ‘o tama’ita’i.  ‘O le fa’aaogā ‘o le gagana ‘e iloa ai itū’āiga tagata, ‘e mautinoa ai fo’i ‘e tama’ita’i po’o ā ‘au’aunaga ‘o le soifua mālōlōina ‘o lo’o agava’a ‘i ai ma mafai ‘ona maua ‘i se ‘auala faigōfie ‘aemaise ‘o tinā ma tama’ita’i ‘e lē ‘o le ‘Igilisi la lātou gagana muamua.

Link to RNZ (Article) translated: https://www.rnz.co.nz/news/political/558168/coalition-directs-health-nz-to-stop-saying-pregnant-people

ATA: RNZ / Samuel Rillstone