Fa’ato’ese Leoleo ‘iā Alan Hall ‘ona ‘o mōliaga sesē

Na feiloa’i atu leoleo ‘iā Alan Hall, lea sā fa’asalaina ‘i le falepuipui ‘i tausaga ‘e 19, ‘ina ‘ua sesē ‘ona tu’uā’ia ‘i le fasioti tagata fa’amoemoeina, ma sā fa’ao’o atu ‘i ai la lātou fa’ato’esega.  ‘O le fa’asalaga ‘ātoa ‘o Hall, ‘o le solo’ātoa ‘i le falepuipui ‘i le tausaga ‘e 1985 ‘i le maliu ‘o Arthur Easton, peita’i na toe fa’alēaogāina ia tu’ua’iga ‘e le Fa’amasinoga Sili ‘i le 2022 ma totogi se taui ‘e 5 miliona tālā.  Na toe suia le fa’amatalaga ‘a se molimau ‘autū ‘i le fa’amasinoga, ma ‘ave’esea ai le fa’amaumauga ‘o se taule’ale’a na sola ‘ese mai ma le vāega na tupu ai le gāioiga ‘e fa’apea ‘o se tagata Māori, ‘a’o Hall ‘o se papālagi. 

Na saunoa le Komesina ‘o Leoleo Andrew Coster ‘i le Aso Lua, na feiloa’i atu ‘iā Hall ma lona ‘āiga ma fa’ato’ese ‘i ai ‘e fai ma sui ‘o Leoleo ‘a Niu Sila ‘ona ‘o le fa’alētonu ‘o le su’esu’ega muamua, na sesē ai ‘ona fa’asalaina ‘o ia.  Sā ia fa’ailoa ai lona agaga fa’afetai ‘iā Alan ma lona ‘āiga, ‘ona ‘o le mafai ‘ona ‘ioe ‘e faia sa lātou feiloa’iga ma taliaina la lātou fa’ato’esega.

Link to RNZ (Article) translated by Savelina Kasiano: https://www.rnz.co.nz/news/national/530929/police-apologise-to-alan-hall-for-wrongful-conviction

ATA: Andrew Coster. Photo: RNZ / Nick Monro