Fa’ato’ese le Minisitā ‘o Fefa’atauā’iga, Todd McClay

Na fa’ato’ese le Minisitā ‘o Fefa’atauā’iga ‘i totonu ‘o le Maota Fono, ‘ona ‘o sana fa’amatalaga na lē logo mālie ‘i le faipule ‘o le Green Ricardo Menendez March, ‘o se tagatā nu’u Mexico. 

Sa iai se saunoaga ‘a le faipule na faia ‘e fa’atatau ‘i se fesili ‘a Tamatha Paul, ‘ae tali ane ai le Minisitā ‘o Fefa’atauā’iga ‘i le faipule, ‘e le’o Mexico lea ‘e iai, ma ‘e lē fa’apenā ‘ona ‘o lātou faia ‘i totonu ‘o Niu Sila.  Na tā’ua ‘e Menendez March, sa ia fesili mo se fautuaga mai le clerk ma talanoa fo’i le isi ta’ita’i ‘o le Te Pati Māori, ‘o Debbie Ngarewa-Packer fa’apea ai ma le faipule ‘o le Greens Teanau Tuiono ‘e fa’amaonia le tala na saunoa ‘i ai le Minisitā.  Na fesili le Fofoga Fetalai Gerry Brownlee ‘iā McClay po’o se fa’auilāvea lana saunoaga, ‘ona āfai ‘o lea, ‘e tatau ‘ona toe fa’aui ‘ese ma fa’ato’ese.  ‘E le’i te’enaina ‘e le Minisitā lona faia ‘o lea saunoaga, ma sa ia toe talosaga ai e ‘ave ‘i tua lana lafoga ma fa’ato’ese.

Link to RNZ (Article) translated by Savelina Kasiano: https://www.rnz.co.nz/news/political/523634/minister-of-trade-todd-mcclay-apologises-to-ricardo-menendez-march-after-mexico-remark

ATA: Minister Todd McClay (RNZ).