Fa’ateteleina le gāoi pāua ‘i Uēligitone – 30% ‘o tagata na siaki, ‘ua solia le tūlāfono

‘Ua fa’ateteleina le fa’afītāuli ‘o le ‘ova ‘o pāua ‘e ‘ave ‘e fāgotaina ‘e tagata ‘i Uēligitone, mā ‘o le 30 pasene ‘o tagata ia na siaki, ‘ua lātou solia le tūlāfono.

‘E na’o le lima pāua ‘e mafai ‘ona ‘ave ‘e le tagata ‘e to’atasi peita’i ‘ua maua ‘e sui ‘o le ‘ōfisa ‘o lo’o nafa ma lea matā’upu le faitau selau ‘o tagata ‘o lo’o solia le tūlāfono.

‘O le Aso Faraile Maliu po’o le Good Friday, ‘e to’alua ni tagata māulu na maua ai ni pāua ‘e 433, ‘i tafatafa ane ‘o Red Rocks ‘i le talafātai ‘i saute, pe tusa ‘o le ‘afa ‘o le fitu ‘i le afiafi.  Sa iai fo’i lipoti ‘o fāgotaga ‘e lē fa’atagaina ‘i le tūlāfono ‘o fīgota (shellfish) mō fefa’atauā’iga ‘e le fa’atagaina. 

‘E silia ma le 200 tagata na maua ‘o gāoi pāua ‘i totonu ‘o māsina ‘e 9 ‘e o’o mai ‘i le māsina ‘o Mati, ma ‘ua si’itia ai le popōlega ‘i le tūlaga ‘o faigā faiva.

Link to 1News (Article) translated: https://www.1news.co.nz/2025/04/21/extreme-amount-of-paua-poaching-rife-in-the-wellington-region/

ATA: Screenshot / 1News.