Fa’ate’ia se pule ‘i le 2500 ‘o tusi talosaga mō le avanoa faigāluega ‘e tasi

‘O le tūlaga pito maualuga lava ‘o se fuainūmera ‘o ni tusi talosaga ‘i se avanoa faigāluega ‘e tasi ‘a le kamupanī telefoni ‘a le Oppo, ‘o le 500.  Peita’i, na fa’ate’ia le pūle ‘o se lālā ‘a lea lava kamupanī ‘ina ‘ua o lātou taulimaina le silia ma le 2500 ‘o ni tusi talosaga ‘i se avanoa faigāluega ‘e tasi.

‘O le avanoa faigāluega lea ‘i ‘Aukilani, ‘o se tagata ‘e fai ma sui ‘o le kamupanī ‘e fa’atalanoaina ma fa’amatalaina ‘i le tagata fa’atau ni ‘oloa ma ‘au’aunaga ‘a le kamupanī, ma ‘ia iai fo’i se silafia ‘o le tagata talosaga ‘i se nofoaga ‘autū ‘e tali ai telefoni mō ‘au’aunaga ‘a le kamupanī. 

Na toe fa’afo’i mai ‘i Niu Sila la lātou call centre mai Meleisia, faia ‘i ai ni suiga po’o le lua tausaga ‘ua tuana’i ma sa o lātou mātauina le to’atele ‘o tagata ‘e mānana’o ‘i lea gāluega ‘i taimi ‘uma ‘e fa’asalalau ai pei ‘ona fa’aalia ‘e Morgan Halim le fa’atonu sili ‘o le kamupanī ‘a le Oppo.  Na’o le 44 pasene ‘o tusi talosaga, ‘e mai totonu ‘o Niu Sila.  ‘E lelei lo lātou iloa, ‘o le to’atele ‘o tagata ‘e fia gālulue mō le Oppo, ‘ona na’o le to’a 27 la lātou ‘aufaigāluega. 

Link to RNZ (Article) translated: https://www.rnz.co.nz/news/business/587129/company-boss-shocked-as-2500-apply-for-one-job

ATA: RNZ