Fa’atapula’a alagā’oa ‘e fa’atino ai vailā’au fou mō le kānesa

‘Ua iai se ātugaluga ‘i le sosaiete mō le kānesa, ‘e uiga ‘i polokalame ma le fa’alauiloaga ‘o fuālā’au fou mō le kānesa.‘O Mati na faʻasilasila mai ai ‘e le mālō, ‘o le ‘ā maua se fa’aopōopoga ‘e tusa ma le $604 miliona tālā, ‘ua fa’amatu’u mai mō le Pharmac, ‘e faʻatupe ai vailaʻau fou ‘e 52.

‘E aofia ai le 13 ‘o fuālā’au ‘o le kānesa na folafola ‘i le pālota, mā ‘e tusa ma le 175,000 tagata ‘o le ‘ā fa’amanuiaina ai ‘i le tausaga muamua, pei ‘ona fa’aalia ‘e le Pharmac. ‘O le ‘ā ‘āmata maua ‘iā ‘Oketopa po’o Nōvema. ‘O lo’o popole le Fa’atonu ‘o le Sōsaiete Dr Kate Gregory, ‘ona ‘o le lē lava ‘o a’oa’oga mō fōma’i ma le ‘aufaigāluega ‘a le soifua mālōloina, ‘e fa’ataunu’uina ai ia fuafuaga, ma ‘ia sa’o le fuālā’au ‘e ‘auina atu ‘i tagata ‘e maua ‘i le kānesa.

‘O lo’o mo’omia le a’oa’oina lelei ‘o fōma’i ‘i le fa’aaogaga ‘o fuālā’au fou, pei ‘ona tā’ua ‘e Gregory.

ATA: RNZ