Fa’ata’ita’i ‘e leoleo suiga ‘i le nūmera telefoni mō se fesoasoani ‘o le 111

Sā līpotia le tūlaga lelei ‘o suiga ‘ua faia ‘i le polokalame mō vala’au ‘e fia maua ni fesoasoani ‘i le nūmera ‘o le 111, lea ‘o le ‘ā fa’aitīitia ai le iai ‘o leoleo ‘i fa’afītāuli ‘e tutupu po’o vevesi ‘i ‘āiga, ‘ina ‘ua faia se fa’ata’ita’iga ‘i le tausaga talu ai.  Peita’i, ‘o le manatu ‘o nisi, ‘ua ‘ave le fa’amamafa ‘a leoleo ‘i le fa’asaoga ‘o taimi ‘o leoleo nai lō le puipuiga ‘o le saogalēmū ‘o tagata. 

‘O lalo ‘o ia suiga fou, ‘e fa’aitīitia ai vala’au ‘e ō ‘i ai leoleo, ‘ae ‘ave pe fa’asino le tele ‘o isi vala’au ma gāluega ‘i isi fa’alāpotopotoga lātou te tali ‘i ai.  ‘O vala’au ‘e ‘ave ‘i ai le fa’amuamua, ‘o matā’upu ‘e le’o aofia ai ni vevesi.  ‘E 6 māsina sā fa’agāsolo ai fa’ata’ita’iga ‘i le tausaga talu ai.  ‘O le tausaga nei na fa’ailoa fa’alaua’itele ai ‘e leoleo, ‘o le ‘ā fa’ase’e ‘ese mai vala’au ‘i matā’upu ‘o manu’aga ma a’afiaga, ‘o vala’au mō matā’upu ‘e a’afia ai le soifua mālōlōina ‘o le māfaufau, ‘āmata atu ‘i le māsina ‘o Nōvema.

Link to RNZ (Article) translated by Savelina Kasiano: https://www.rnz.co.nz/news/national/530107/police-already-tested-111-changes-for-six-months

ATA: Under the new 111 system, police go out to fewer calls, and refer more incidents to other agencies. (File) RNZ.