Fa’asilasila ‘i le Pāketi ‘o lumana’i suiga ‘i lāfoga mō fa’alāpotopotoga fesoasoani (charities)

‘Ua folafola ‘e le Minisitā ‘o Tupe ni suiga ‘i lāfoga mō fa’alāpotopotoga fesoasoani ‘e lē sā’ilia ni polōfiti (charities) ma tāpuni ‘uma avanoa ‘o lo’o saofia mai ai ‘i le lē totōgia ‘o ni lāfoga, mā ‘o le ‘ā fa’asilasila ‘i le Pāketi ‘iā Mē ‘i le tausaga ‘ā sau.  Na saunoa Nicola Willis, ‘e lē sa’o le tāofia ‘o le avanoa mō ni tupe maua mai ni lāfoga fou po’o levies ‘i lenei paea’iga fa’apālemene, ‘aemaise lava le tūlaga ‘i le lēai ‘o ni lāfoga ‘e totogi ‘e fa’alapotopotoga ‘e lē su’e polōfiti lea ‘ua ‘āmata ‘i ai ni su’esuega. 

‘O lo’o lātou va’ava’ai, ‘e fia iloa, po’o iai ni avanoa ‘o lo’o fa’aaogāina sesē ‘e fa’alāpotopotoga ia ‘o lo’o fa’atūlagaina ‘e fa’apea ‘e lē su’ea ni a lātou polōfiti po’o charities, ‘ina ‘ia ‘aua ai ne’i totogiina ni lāfoga ‘e tatau ‘ona totogi.  ‘O lāfoga na fa’ailoa ‘e le tama’ita’i minisitā ‘e fa’apea ‘o le ‘ā lē faia, ‘o lāfoga ia mō le ‘au mau’oloa po’o lāfoga ‘e maua mai le fa’atauga ‘o se ‘āseta ‘e maua ai ni polōfiti (capital gains tax), ‘i lalo ‘o le Faigāmālō so’ofa’atasi. 

‘O le Best Start ma le Sanitarium, ‘o ni fa’ata’ita’iga ‘o fa’alāpotopotoga ‘o lo’o fai fefa’ataua’iga, ‘ae ‘o lo’o fa’atūlagaina ‘o ni fa’alāpotopotoga ‘e lē sā’ilia ni polōfiti, ‘o ni fa’ata’ita’iga ‘o ni itū’āiga ‘o pisinisi ‘e a’afia ‘i suiga pei ona saunoa Willis.  ‘E le’i faia ‘e le Kāpeneta ni fa’ai’uga ma ‘e le’i tu’uina atu fo’i ni fautuaga ‘i le Kāpeneta po’o ā ni vāega ‘e tatau ‘ona o lātou faia ‘i lea matā’upu.

Link to RNZ (Article) translated by Savelina Kasiano: https://www.rnz.co.nz/news/political/535535/tax-changes-for-charities-to-be-announced-in-next-budget

ATA: RNZ / Samuel Rillstone.