Fa’asilasila ‘e le ACC le 7.2 piliona tālā, ‘ova ai tupe fa’aalu (deficit)

‘I fa’amaumauga ‘a le ‘Ōfisa ‘o le ACC po’o Taui mō Fa’alavelave fa’afuase’i, ‘ua fa’ailoa ai le $7.2 miliona ‘ua ‘ova atu ai tupe fa’aalu nai lō tupe maua, fa’atusatusa ‘i le tupe fa’asili ‘i le tausaga talu ai, ‘e $911 miliona.  Na māfua ‘ona telē lea tupe fa’aalu, ‘ona ‘e 8.7 piliona tālā na fa’aopoopoina ai tupe fuafuaina ‘o tau ‘o le ‘ā fa’aaluina ‘i le lumana’i, mō talosaga ‘i manu’aga ‘i fa’amaumauga ‘a le ACC. 

Na toe fa’amanino ‘e le ACC, ‘e le’o āfāina le mālosi’aga ‘o le fa’alāpotopotoga ‘e fa’atupeina ai le tau ‘o ‘au’aunaga ‘o lo’o ofoina atu mō le atunu’u.  Peita’i, ‘ua maualuga atu si’itaga ‘o tau nai lō le tūlaga sā fuafuaina, ‘e lagolago ai ‘i tagata ‘o lo’o talosaga atu, mā ‘e ono pasi atu ia tau maualuluga ‘i augātupulaga fāi mai. 

Na ‘ova atu tupe fa’aalu ‘i tau ‘o ‘au’aunaga ‘i se tupe aofa’i ‘e 176 miliona tālā ‘ona ‘o le maualuluga ‘o tau ‘e fa’atupeina ai taui ‘i vāiaso.  ‘E le’i leva atu nei sā fa’aata mai ai le si’itia ‘o lāfoga (levies) ‘e fa’atupe ai tau mō togafitiga mai manu’aga ‘i le lumana’i.

Link to RNZ (Article) translated by Savelina Kasiano: https://www.rnz.co.nz/news/national/530961/acc-announces-7-point-2-billion-deficit

ATA: RNZ