Fa’ase’etuāgalu le Pule sili ‘o le Stats NZ ‘ina ‘ua māe’a iloiloga ‘o le faigāpālota ‘i le Manurewa Marae

‘O le iloiloga ma le su’esu’ega ‘i la’asaga ‘a lālā ‘a le mālō sā faia ‘ina ‘ia mautinoa ‘e lē fa’aaogāina sesē fa’amaumauga na mafai ‘ona aoina ‘o tagata ta’ito’atasi ‘i le Tusigā Igoa ma tui puipui ‘o le Kōviti ‘i le Manurewa Marae, sā iloa ai, ‘e le’i faia ‘e lālā nei, ni ta’iala talafeagai ‘e puipuia ai ia fa’amaumauga, mā ‘e le’i ‘āto’atoa fo’i le fa’atinoga ‘o a lātou matāfaioi ‘e puipui ma pūleaina lelei ai le fa’asoaga ‘o ia fa’amaumauga patino ‘o tagata ta’ito’atasi.

‘O le māsina fou ‘e fa’ase’etuāgalu ai le pule sili ‘o le ‘Ōfisa ‘o Fuainūmera Fa’amaumauina ‘a Niu Sila, Mark Sowden pei ‘ona fa’asilasila ‘e le Komesina ‘o ‘Au’aunaga ‘a le Mālō ‘i le Aso Lua.  ‘O Iuni ‘i le tausaga talu ai na ‘āmata ai le su’esu’ega, ‘ona ‘o tu’ua’iga ‘e fa’apea, ‘o fa’amatalaga na aoina mai le Tusigāigoa ma tui puipui ‘o le Kōviti 19 ‘i le Marae, na fa’aaogā ‘i gāioiga na fa’atūtū ‘i le ‘au pālota Māori ‘i le itūmālō fa’apālota ‘o Tāmaki Makaurau. 

‘E la’itiiti pālota na sili ai Takutai Tarsh Kemp, le pule sili ‘o le Marae ‘i lea taimi, ‘i le faipule ‘o le Labour Peeni Henare.  Sa va’ava’ai le su’esu’ega ‘i gāioiga ‘a nisi ‘o matāgāluega ‘a le mālō.  Na fa’akonekarate ‘e le ‘Ōfisa ‘o Fuainūmera Fa’amaumauina, le Lālā ‘a le Whanau Ora Commissioning Agency, ‘e fesoasoani ‘i se taumafaiga mulimuli ‘e ao fa’amaumauga ‘o le Tusigāigoa.  ‘Ua tā’ua ‘e fa’apea, ‘o le Stats NZ, Matāgāluega ‘o le Soifua Mālōlōina, Health New Zealand ma le Te Puni Kōkiri, ‘ina ‘ia tāofia mō se taimi lē tūmau ni konekarate fou, ‘o le fa’afouga ‘o ni konekarate ma le toe fa’aopoopoga ‘o nisi mea ‘i ia ‘au’aunaga ‘e tolu. 

Link to RNZ (Article) translated: https://www.rnz.co.nz/news/national/542248/stats-nz-boss-to-step-down-after-manurewa-marae-election-inquiry

ATA: Supplied / Stats NZ. RNZ