Fa’asalaina se pisinisi ona ‘o le leaga o le faiga ‘o tagata faigāluega

‘Ua fa’atonuina se fale’aiga ‘e iai ona lālā ‘i Aukilani ma Cromwell, fa’apea ma lē ‘e ana le pisinisi, ‘ina ‘ia totogi atu se sala tupe ‘e $130,000, ‘ona ‘o le sauāina ‘o le ‘aufaigāluega ma le lē talafeagai ‘o le va’aiga ‘o le ‘aufaigāluega.

Na fa’atonuina ‘e le ERA le kamupanī ‘a le SSM Investments LTD ‘e totogi atu le sala tupe ‘e $90,000, ‘ae $40,000 ‘e totogiina atu ‘e lē ‘e ana le pisinisi Shazneen Shariza Khan. ‘O lea poloa’iga na mulimuli mai ‘ina ua uma se fīnauga ‘i le vā o le pisinisi ma le ‘aufaigāluega, ‘e totogi atu le $147,000 ‘i tagata faigāluega ‘e to’alima sā gālulue muamua ai, mō totogi sā tatau ona lātou maua.

Na maua ‘i su’esu’ega le solia ‘e le pisinisi ‘o le tele o tulāfono ma aiaiga tau ‘i gāluega, ‘e aofia ai le lē totogiina ‘o tagata faigāluega ‘i le totogi maualalo fa’atūlāfonoina, lē totogia atua so mālōlō ma fa’apea ma aso ma’i. ‘E le’i tausia fo’i fa’amaumauga sa’o o totogi, itūlā faigāluega ma aso mālōlō, ma sā iai fo’i tupe na to’esea fa’asolitūlāfono mai ‘i tagata faigāluega.

Link to RNZ (Article): https://www.rnz.co.nz/news/business/1242488/ssm-investments-owner-face-more-fines-for-exploiting-workers

IMAGE/ATA: SCR (file).