Fa’asalaina le taule’ale’a na faia ni pepa pepelo ‘e lata ‘i le 200 mō ta’avale

Na tōlaulauina ‘i le Fa’amasinoga Fa’aitūmālō ‘o North Shore le fa’asalaga ‘o se ‘inisinia ‘e pasiina ta’avale, ‘ina ‘ua ‘ioe ‘i ona mōliaga ‘o lona tu’uina atu ‘o pepa pepelo ‘e 183 ‘e fa’ataga ai ‘ona feoa’i ta’avale ‘i luga ‘o ‘auala tetele.  ‘E na’o ni nai māsina na ia faia ai ia gaioiga.  Na su’esu’eina Dylan Mark Walker ma mōliaina ‘e le Lālā ‘o Fela’ua’iga ‘a Niu Sila. 

‘E ono māsina ‘ua fa’anofo va’ava’aia ai ‘i lona ‘āiga ma le 40 ītūlā ‘e fa’atino ai gāluega fesoasoani.  Na toe fa’alēaogāina pepa resitala pepelo ia na ia faia, ma sā fa’atonuina ‘aveta’avale ‘e toe talosaga mō ni pepa moni ‘o a lātou ta’avale.

ATA: Christine Rush / RNZ.