Fa’asala ‘i le falepuipui se tagata ‘i Nelesoni mō māsina ‘e 20 ‘i lona ‘ave fa’amālosia ‘o se faitau mita

‘E 20 māsina ‘ua fa’asalaina ai ‘i le falepuipui se taule’ale’a Nelesoni, na ia faoina fa’amālosi ‘ese le ki ‘o le ta’avale mai se tinā ‘e 60 ma ona tupu tausaga, na alu atu ‘e faitau le mita ‘o le paoa ‘o lona fale.  Na fa’aalia ‘e le tinā le fefe tele ‘ina ‘ua taunu’u atu ‘e faitau le mita, ‘iā Iuni 2023, ‘ae fa’aali ane le ita ‘o Paul Hogarty, ma ia fao ‘ese ai le ki ‘o lana ta’avale, tusa ‘ua lē mafai ai ‘ona toe alu ‘ese ma le lotoā ‘o le taule’ale’a. 

Na ta’ua ‘i le fa’amasinoga fa’aitūmālō ‘i Nelesoni, na nofo ai lava le tinā ‘i totonu ‘o lana ta’avale ‘i le lotoā ‘a Hogarty, pe tusa ma le 40 minute le ‘umi.  Ma sā musu lava ‘e fa’afo’i le ki ‘o le ta’avale ma iai ma nisi ana āmioga taufa’amata’u.  ‘O ananafi lea na fa’ato’ā tōlaulau ai le fa’asalaga ‘o le taule’ale’a, ‘ae na fa’amaonia moliaga ‘i le māsina ‘o Ianuari.  Na fa’aalia ‘e le fa’amasino, ‘o nisi ‘o fa’amatalaga ‘a Hogarty na fa’ailoa ai ‘ua salamō ‘i ana gāioiga na faia, ‘e ui ‘e le’i fa’ailoaina sa’o atu.

Link to RNZ (Article) translated: https://www.rnz.co.nz/news/national/563958/nelson-property-owner-jailed-for-20-months-after-kidnapping-meter-reader

ATA: SCR (file).