Fa’asala Eagle MAN Group ‘i le $200,000 ‘ona ‘o pasene tului ‘o nonōgatupe ‘e ta’i 182.5 pasene

‘E $200,000 na fa’asalaina ai ‘e le Fa’amasinoga Maualuga ‘i Kalaiesetete, le fa’alāpotopotoga ‘o kamupanī ‘a le Eagle MAN Group po’o le Eagle Man Loans, ‘ona sā o’o atu lava ‘i le 182.5 pasene le maualuluga ‘o a lātou pasene tului mō nonōgātupe fa’avaitaimi pupu’u.  Na fa’aalia ‘e le Komisi mō Pisinisi, na solia ‘e le Eagle Man aiāiga ‘o le Tūlāfono ‘o Konekarate ‘o ‘aitālāfu le Credit Contracts and Consumer Finance Act. 

Na fa’atūtū gāioiga ‘a le Eagle Man ‘i tagata ‘o feagai ma faigatā ‘i tupe, ‘o tagata fa’ato’ā malaga mai fafo, po’o tagata ‘o lo’o ‘ūmiaina ni visa faigāluega mō sina taimi ‘e tusa ai ma se fa’aaliga ‘a le sui ta’ita’ifono ‘o le Komisi ‘e mata’itūina po’o ‘usita’ia le tūlāfono ‘o Fefa’atauā’iga Talafeagai ma le puipuiga ‘o tagata fa’atau.  ‘O le fa’amasinoga muamua lea ‘a le komisi ‘i lalo ‘o le tūlāfono. 

Link to RNZ (Article) translated by Savelina Kasiano: https://www.rnz.co.nz/news/national/533574/former-high-cost-lender-eagle-man-fined-200k-for-charging-up-to-182-point-5-percent-interest

ATA: RNZ.