Fa’asā ‘e le One NZ ‘i le ōlaga ‘ātoa ‘ona ‘o lona osofa’iina ‘o ni fa’atau ‘oloa se to’alua ‘i Kalaiesetete

‘Ua fa’asāina ‘e le One New Zealand se tagata ‘e fa’aaogāina la lātou ‘au’aunaga mō le ōlaga ‘ātoa ‘ona ‘o lona fa’ao’olima ‘i ni ‘aufaigāluega se to’alua ‘i Kalaiesetete.  Na tupu lea gaioiga ‘i se fale’oloa ‘i le aso 11 ‘Oketopa, ‘ina ‘ua tāpā se fa’amaoniga po’o se ID ‘o le Apple mai le tagata fa’atau.

  ‘Ua lē toe fa’atagaina ‘i le ōlaga ‘ātoa ‘ona ‘ia toe fa’aaogāina le ‘au’aunaga ‘a le One New Zealand pei ‘ona fa’aalia ‘e le pule sili Jason Paris.  ‘E fa’amuamua lava le soifua mālōlōina ma le saogalēmū ‘o le ‘aufaigāluega pei ‘ona saunoa Paris.  Lima māsina muamua atu, na tāpunia ai le fale’oloa ‘a le One New Zealand ‘i Britomart ‘i ‘Aukilani. 

‘O le saunoaga ‘a le pule sili ‘i lea taimi, ‘ua lē ‘asa lava ma sauāina le ‘aufaigāluega ‘i fa’a’upuga ‘e ta lafo ‘i ai fa’atasi ai ma le gaoi.  ‘O isi ‘e ō atu ma aga’ese ‘e gāoi ai a lātou masini.  Sa fa’afetaia ‘e le fa’alāpotopotoga ‘a le Retail NZ le ta’ita’iga ‘a le One NZ ‘i le fa’ai’uga ‘ua lātou faia ‘i tagata ‘e fa’atupu vevesi ‘i totonu ‘o a lātou fale’oloa.

Link to RNZ (Article) translated by Savelina Kasiano: https://www.rnz.co.nz/news/business/530696/one-nz-customer-banned-for-life-after-attack-on-two-christchurch-shop-workers

ATA: Earlier this year, One New Zealand shut its central Auckland store after frequent physical attacks on staff. Photo: RNZ / Nate McKinnon