Fa’apafala fuafuaga ‘a le ‘Ea Niu Sila mō vāega fia ‘ausia ‘o le tau ‘i le 2030

‘Ua toe fa’ata’atia ‘ese ‘e le kamupanī va’alele ‘a le ‘Ea Niu Sila ana fuafuaga sa fia ‘ausia ‘e fa’aitīitia ai kasa ma le kāpone ‘o lo’o fa’aleagaina ai le lalolagi (climate targets), ‘ona ‘o punā’oa ‘e fa’atino ai ia fuafuaga, ‘e lē gafatiaina ‘e le kamupanī ma ‘e lē mafai fo’i ‘ona maua. 

‘I se pepa ‘o fa’amatalaga ‘a le kamupanī ‘i le Aso Lua, ‘o lo’o tā’ua ai le ‘ave’esega ‘o ia fuafuaga fia ‘ausia mō le tausaga e 2030, sa fia fa’aitīitia ai le kāpone mā ‘o le ‘ā fa’aui ‘ese mai le Polokalame lea ‘ua ta’ua ‘o le Science Based Targets.  ‘O itū’āiga ‘o va’alele fou ‘e faigatā tele ‘ona maua ‘ae lē gata ‘i lea ‘e taugatā tele.  Na saunoa le Pule Sili Greg Foran, ‘o fa’afitāuli ia fa’apea ai ma tupe fa’aalu, ‘o le ‘ā fa’atuai ai le maua ‘o ni va’alele fou ‘e ‘anagatā ma lē tele se suau’u ‘e fa’aaluina ai mō le kamupanī. ‘O le taimi nei, ‘ua ‘āmata fa’agāsolo ‘ona iloilo ai se isi fuafuaga fou ‘e mafai ‘ona ‘ausia ‘e le kamupanī ‘e fa’aitīitia ai le kāpone ‘e fa’aata mai ai lu’itau ‘o feagai ma ia ‘au’aunaga.  ‘Ae ‘o lo’o tūmau pea le tāumaūga ‘o le kamupanī ‘ina ‘ia ‘ausia fuafuaga fa’ata’atitia, ‘o le o’o atu ‘i le tausaga ‘e 2050, ‘ua lēai se kāpone ‘e toe pua’ina atu ‘e leaga ai le si’osi’omaga pei ‘ona saunoa Dame Therese Walsh, le ta’ita’ifono ‘o le ‘Ea Niu Sila.

Link to RNZ (Article) translated by Savelina Kasiano: https://www.rnz.co.nz/news/national/523578/air-new-zealand-pulls-the-plug-on-2030-climate-targets

ATA: RNZ / Nate McKinnon.