Fa’aopoopoina pea nūmera ‘o tagata ‘e tu’ua Niu Sila

‘Ua fa’aopoopoina le nūmera ‘o tagata na tu’ua Niu Sila ‘i le tausaga talu ai, ‘e malaga ‘e nonofo ma aumau ‘i atunu’u ‘i fafo ‘e tusa ai ma fa’amaumauga pito lata mai. 

Na tā’ua ‘e le Stats NZ ‘e ala ‘i a lātou fa’amaumauga ia ‘ua fa’alauiloa, ‘e ui na si’itia le nūmera ‘o tagata asiasi mai mō le māsina ‘o Iūlai, ‘ae na fa’aopoopoina fo’i le nūmera ‘o tagata na malaga atu ‘i fafo.  ‘E 236,600 tagata mai fafo na asiasi mai ‘i le māsina ‘o Iūlai 2025, ma ‘e tusa ma le 14,700 na fa’aopoopo pe ‘ā fua ‘i le māsina ‘o Iūlai 2024.

‘O le suiga tele, ‘o tagata asiasi mai ‘Ausetālia, mā ‘e 17,700 na si’itia ai.  ‘O le faitau aofa’i ‘o tagata asiasi mai ‘Ausetālia ‘e to’a 126,700, na fa’amauina ‘o se nūmera pito maualuga mō Iūlai.  ‘O le taimi tonu fo’i lea ‘o le tu’uaga ‘o ā’oga ‘i ‘Ausetālia. 

‘O tagata na taunu’u mai Saina ma le Iūnaite Setete, na fa’aitīitia ‘i le māsina ‘o Iūlai, 3700 na pa’ū ai le nūmera mai Saina ‘ae 1200 na fa’aitīitia ai le nūmera mai le Iūnaite Setete ‘o ‘Amerika.  Mō tagata na tu’ua le atunu’u ‘i le māsina ‘o Iūlai 2025, sa pito to’atele ai lava tagata sitiseni Niu Sila, ‘e tusa lea ma le to’a 73,400, fa’atusatusa ‘i le nā ‘o le to’a 25,800 ‘o tagata Niu Sila na toe fo’i mai ‘e nonofo ‘i le atunu’u. 

Link to Stuff (Article) translated: https://www.stuff.co.nz/nz-news/360819173/number-people-leaving-nz-increase-latest-migration-figures-show

ATA: RICKY WILSON / Stuff.