Fa’anatinati le tūlāfono ‘e tāofia ai le tapē ‘e tagata ‘o a lātou ta’ifau tutu’u ‘o greyhound

Na fa’anatinati le fa’apasiaga ‘o le tūlāfono ‘e tāofia ai tagata ‘e ana ta’ifau tutu’u, ‘ona fa’alalo a lātou ta’ifau, ‘o itū’āiga ‘o greyhound.  Na pāsia le tūlāfono ‘i ona vāega ‘uma, ma sā lagolagoina ‘ātoa ‘e le Palemene ‘i le aoauli ananafi, ma ‘o ananafi na fa’asilasila ai ‘e le Minisitā mō ta’aloga tutu’u ‘a meaola, Vaovasamānaia Winston Peters, ‘e faigatā le fa’ai’uga ‘e fa’asā ai ‘ona toe faia ni tā’aloga ‘o ta’ifau tutu’u peita’i, ‘o se fa’ai’uga sa’o ma le tonu.  ‘Ae ‘o le pili po’o le tūlāfono tau fa’aofi, ‘e fa’amautinoa ai le saogalēmū ‘o ta’ifau ma puipui ai mai le tapē ‘e tagata ‘e ana ia ta’ifau.

‘O le tūlāfono pei ‘ona pāsia, ‘o le ‘ā fa’ataga ai na’o ta’ifau ia ‘o lo’o lesitala ‘i tū’uga, ‘ona tapē pe fa’amuta o lātou ola ‘e fōma’i manu, ‘a’o ni māfua’aga talafeagai.  ‘E o’o atu ‘i le $50,000 le sala ‘a le tagata ‘e solia le tūlāfono fou, pe fa’asalaina fo’i ‘i se ‘umi ‘e o’o atu ‘i le tausaga ‘i le falepuipui.  ‘O lo’o tatālia le fa’aofi atu ‘i le Palemene ‘o nisi tūlāfono fa’aopoopo ‘e fa’atino ma fa’ataunu’u ai le sā, ‘i le ‘āmataga ‘o le tausaga ‘ā sau, mā ‘o le ‘ā matuā tāpunia ‘ātoa ia faiga fa’apisinisi ‘o tū’uga ‘i le aso 1 ‘Aukuso 2026.

Link to RNZ (Article) translated by Savelina Kasiano: https://www.rnz.co.nz/news/political/536253/law-rushed-through-to-prevent-greyhound-owners-killing-their-dogs

ATA: RNZ.