Fa’amuta gāluega ‘a le Kiwi rail ‘i Napier ma Palmerston North

‘O lo’o fuafua le KiwiRail ‘e fa’amuta matāfaioi ‘a ‘ave nofoaafi ‘i ‘au’aunaga ‘i Napier ma Palmestone. ‘E fitu gāluega ‘ave nofoaafi ma le fā ‘o gāluega ‘i nofoaga mō nofoaafi ‘o le ‘ā ‘ave’esea ‘i Napier, ma isi gāluega ‘e 16 ‘i Palmestone ‘o le ‘ā fa’amuta, ‘e tusa ai ma līpoti ‘a le Leitiō Niu Sila.

Fa’aalia ‘e le failautusi aoao ‘a le Rail ma le Maritime Union Todd Valster, ‘o isi ‘au’aunaga ‘a nofoaafi na la’uina ‘oloa mō fale gāosi laupapa ‘a le Winstone Pulp International Plant, mai le ‘ōgātotonu ‘o le motu ‘i mātū aga’i atu ‘i Palmestone ma le ītū ‘i Sasa’e ‘o Napier.  Na fa’ailoa ‘e Valster ‘i le RNZ, ‘e fa’alua ona feiloa’i ma le KiwiRail ‘i vaiaso ‘e lua ‘ua tuana’i, ma ‘o le ‘ā tu’uina atu se pepa ‘o fa’atalanoaga ‘i le ‘amataga ‘o ‘Oketopa. Na ia fa’ailoa le fa’anoanoa tele ‘o le ‘aufaigāluega.

Link to RNZ (Article) translated by Anna Fa’asolo: https://www.rnz.co.nz/news/national/528901/kiwirail-to-cut-jobs-in-palmerston-north-and-napier

ATA: Napier Port / Supplied. RNZ