Fa’amāvae le pule sili ‘o le Wellington Water

‘Ua fa’amāvae le pule sili ‘o le Wellington Water, Tonia Haskell, mā na ia tau’aveina lea gāluega ‘i le ‘āmataga ‘o le 2023.  ‘E māe’a mai le gāluega ‘i le Aso Faraile. 

Na fa’alauiloaina se lipoti fa’atūma’oti ‘i le fa’alāpotopotoga ma sā maua ai, ‘e 4 māsina le ‘umi fa’ato’ā ta’u atu ‘e le ‘aufaigāluega ‘i le pūlēgānu’u, se sasi ‘i le pāketi lea na ala ai ‘ona o’o atu ‘i le 51 miliona tālā le pili ‘i le tolu tausaga.  Na fa’aalia ‘e le ta’ita’ifono ‘o le Wellington Water, Nick Legget, sā fesoasoani Haskell ‘i le fa’atāolaolaga ‘o le polokalame ‘a le ‘a’ai mō ‘āseta ‘o suāvai mā ‘e ma’eu fo’i le tūla’i mai ‘o Haskell ‘e tali ‘i tusitala ‘i taimi faigatā. Mai le 60 miliona tālā, na mafai ‘ona o’o atu ‘i le 330 miliona tālā le tilīvaga ‘o ‘au’aunaga ‘o suāvai mō le itūmālō ‘i le tala fa’aletupe ‘o le tausaga talu ai, ‘ina ‘ua tūla’i mai Haskell pei ‘ona fa’aalia ‘e le ta’ita’ifono.  ‘O le ‘ā ‘āmata le gāluega ‘a le komiti fa’atonu ‘a le Wellington Water ‘e sa’ili ma filifili so lātou pule sili fou ‘i nai vāiaso ‘o lumana’i.

Link to RNZ (Article) translated by Savelina Kasiano: https://www.rnz.co.nz/news/national/524507/wellington-water-chief-executive-tonia-haskell-steps-down

ATA: RNZ / REECE BAKER.
Wellington Water chief executive Tonia Haskell.