Fa’amaumauga pito lata mai ‘i suāu’u ‘a Niu Sila ‘o totoe

‘O le ‘ā folasia ma fa’a’auivi ‘e le Minisitā ‘o Tupe Nicola Willis ni māfua’aga ‘e ala ai ‘ona faia ni tu’utu’uga po’o le fa’atapula’a ‘o le penisini ‘a’o āfea fo’i ‘e ono fa’ataunu’uina ai.  Na ulua’i fa’ailo ‘e Willis, ‘o le vāiaso lenei ‘o le ‘ā talanoa ātili ai ‘e uiga ‘i le Fuafuaga ‘a le Mālō mō le Suāu’u ma Penisini fa’atasi ai ma ona fa’ailoilo ‘e fā.

Na saunoa le minisitā, ‘ua tāpena le faigāmālō so’ofa’atasi mō nisi ‘o fa’afitāuli ‘e tutupu mai, ‘e aofia ai le ono āfāina ‘o ‘oka ‘i le lumana’i, peita’i, ‘o le fa’amoemoe ‘autū ‘ina ‘ia ‘aua ne’i o’o ‘i ai ‘i le tūlaga ‘o le fa’atapula’a ‘o le fa’aaogāga ‘o le suāu’u ma penisini. 

‘O fa’amaumauga pito lata mai ia na fa’alauiloa ‘i le aoauli ‘o le Aso Lulu, na fa’aalia ai, ‘ua pa’ū la’itiiti suāu’u ma penisini ‘a le atunu’u ‘o lo’o teuina, ma ‘e o’o atu ‘i le vaeluaga ‘o le pō ‘o le Aso Sā, toe 47 aso ‘e lava ‘i suāu’u ma penisini ‘o totoe.  Na’o le lua va’a ‘o lo’o la’u mai ai le suāu’u ‘i Niu Sila ‘o fa’atali ‘i le isi lua vāiaso ‘o lumana’i.  Ma ‘o lo’o aofia ‘i fuainūmera ia pei ‘ona tā’ua.

Link to RNZ (Article) translated: https://www.rnz.co.nz/news/national/590592/latest-data-shows-dip-in-nz-s-fuel-stocks

ATA: RNZ