Fa’amālosia ātili ‘e le Mālō laisene ‘o ‘au fau fale

‘O lo’o fa’aauau pea ‘e le mālō ‘ona sa’ili le ‘au fau fale lē fa’amāoni, ‘e ala ‘i sa lātou fuafuaga ‘e fa’amālosia ātili ai tu’utu’uga mo lesitala ma laisene.  ‘O ia suiga, ‘o le ‘ā māta’itū ai le si’itia ‘o tu’utu’uga mo le lelei fa’atino ‘o gāluega ‘a le ‘au fau fale, fa’aleleia aiāiga mō le puipuiga ‘o tagata ‘e fia fa’aaogā ai kāmuta ‘i le faiga ‘o a lātou gāluega ‘e tusa ai ma le tūlāfono ‘o le Building Act, ma ‘ia mautinoa ‘o lo’o ‘i le ‘au fa’atonu ni mālosiaga talafeagai ‘e tali ai ‘i le ‘au fau fale ‘e ala atu ‘i le faagāsologa māsani ‘o tagi ma fa’aseā. 

Na saunoa le Minisitā ‘o Fauga ‘o Fale ma Gāluega tetele, Chris Penk, sa fa’ailoa atu ‘iā te ia, ‘o fa’asalaga ‘o lo’o iai ‘i le taimi nei mō tagata ‘e faia gāluega ‘e aofia ai kāmuta ‘e lē fa’amāoni, ‘e le’o lava ‘e tāofia ai ia āmioga.  ‘Ua fa’atalanoa ‘e le mālō le faia ‘o ni fa’asalaga ‘e ta’i $50,000 mo tagata ta’ito’atasi ma le ta’i $150,000 mo pisinisi ‘ina ‘ia taumamao ‘ese mai ai ma ni āmioga lē talafeagai.

Link to RNZ (Article) translated by Savelina Kasiano: https://www.rnz.co.nz/news/political/530196/government-to-strengthen-builder-licensing-regime

ATA: Building and Construction Minister Chris Penk says the current regimes are not working as well as they could. RNZ / Alexander Robertson