Fa’aluaina le nūmera ‘o tagata talosaga mō avanoa leoleo

‘Ua fa’aluaina le nūmera ‘o tagata ‘e talosaga atu mō avanoa leoleo, pe ‘ā fa’atusatusa ‘i le tausaga talu ai. Fa’aalia ‘e le komesina lagolago Jill Rogers, ‘o le ‘ā fa’aopoopo le 25% ‘o avanoa faigāluega, ona ‘o le to’atele ‘o tagata ‘e talosaga atu.

Saunoa Jill, na faia suiga ‘i aiaiga mō talosaga, ‘ina ‘ia fa’amalieina ai mana’oga ‘a le mālō, ‘o le toe fa’aopoopo lea ‘o le 500 ‘o leoleo fou.’E o’o mai ‘i le fa’ai’uga ‘o ‘Aukuso, ‘ua o’o atu ‘i le 5500 talosaga, fa’aluaina pe ‘ā fa’atusatusa ‘i le 2023. ‘E 115 leoleo na tu’ua le Matāgāluega ‘ae malaga atu ‘i ‘Ausetālia ‘i le tausaga talu ai. ‘O se va’aiga lelei lea mo le Matāgāluega, le to’atele ‘o tagata ‘e talosaga atu, ona ‘o lo’o mo’omia ni leoleo fou, ‘e tusa ai ma mana’oga ‘a le faigāmālō so’ofa’atasi.

Link to RNZ (Article) translated by Anna Fa’asolo: https://www.rnz.co.nz/news/national/529754/new-applicants-to-police-more-than-double-in-a-year

ATA: RNZ / Richard Tindiller