Fa’alauiloa ‘e le ACT faigā fa’avae e tolu mō solitūlāfono mo le ‘au talepe fale

‘Ua fa’alauiloa e le Vāega fa’a’upufai a le ACT faiga fa’avae ‘e tolu po’o le three strikes mō soligātūlāfono tau talepe fale. ‘I lalo ‘o lea faiga, so’o se tagata ‘e fa’asalaina fa’atolu ‘i solitūlāfono ‘o le gaoi ma le tapele fale, ‘e tatau ona fa’asala ‘i le lē itiiti ifo ma le tolu tausaga ‘i le falepuipui, ma ‘e lē mafai ona talosaga ‘i le palola.

Na saunoa le sui ta’ita’i o le ACT Nicole McKee ‘i le folasaga o le pōlisi, ‘e fa’apea ‘e tatau ona mautinoa ma lagona ‘e so’o se tagata le saogālēmū ma le puipui malu ‘i totonu o lona fale. ‘E 184,000 tagata Niu Sila na a’afia ‘i gāoiga ma le ‘au talepe fale ‘i le 2025. ‘E lata ‘i le tolu kuata ‘o i latou na tutū ‘i fa’amasinoga, ‘ua silia ma le fa’alua ona mōlia ‘i amioga ma gaoiga lava e tasi. ‘O le tūlāfono o le Three Strikes na toe fa’afo’i mai i le 2024 ‘ina ua māe’a soloia ‘e le Leipa ‘i le 2022.

Link to RNZ (Article): https://www.rnz.co.nz/news/politics/685954/act-announces-three-strikes-policy-for-burglary

IMAGE/ATA: RNZ / Calvin Samuel