Fa’alaua’itele ‘e le Pharmac avanoa ‘e maua ai fuāla’au fou mō le ADHD

‘Ua fa’alauiloaina ‘e le Pharmac se vailāʻau fou ‘e fesoasoani ‘i le ADHD, ma ‘o le ‘ave’esea ‘o alāfua ‘i le faʻafōuga mō le isi itūāiga fuālā’au, ‘o le ‘ā fesoasoani ma manuia ai le tusa ma le 13,000 ‘o tagata ‘i le lima tausaga. ‘O lo’o sa’ilia ni fa’amatalaga ‘i le fa’atupega ‘o le vailā’au ‘o le  lisdexamfetamine, ‘ua tā’ua fo’i ‘o le Vyvanse, ma ‘ia soloia le fa’afōuga mō vailā’au ‘e fa’atupuina le mālosi, ‘e fa’aaogāina ‘i togafitiga ‘o le ADHD ‘e o’o atu ‘i le aso muamua ‘o Tēsema. Fa’aalia ‘e le fa’atonusili ‘o fautuaga ma iloiloga, Dr David Hughes, ‘e silia ma le 6000 tagata ‘o le ‘ā fa’amanuiaina ‘i le tausaga muamua.

‘O vailā’au ‘o lo’o va’ava’ai ‘e fa’afou ta’iala ‘e aofia ai le methylphenidate, dexamphetamine ma le modafinil, lea na fa’aaogāina uma mo le narcolepsy. ‘E mo’omia ‘e tagata ‘e maua ‘i le ADHD, le fesoasoani ‘a se fōma’i fa’apitoa ‘i tausaga ta’i lua, ‘ina ‘ia mafai ai ona fa’aauau le fa’atupega ‘o nei vailā’au mo ‘i lātou. Mō tamaiti, lātou te manaʻomia le asiasi ‘i lātou fōmaʻi fa’a tasi ‘i le tausaga ‘e faʻaauau ona maua lea avanoa.

Link to RNZ (Article) translated by Anna Fa’asolo: https://www.rnz.co.nz/news/national/527782/potential-adhd-treatment-options-set-to-expand

ATA: RNZ