Fa’ailoa le igoa ‘o le tamaitiiti lea na pa’ū mai le taualuga ‘o se fale ‘i Dunedin

‘O le tamaitiiti ‘e 19 tausaga lea na manu’a tīgāina ‘ina ‘ua pa’ū mai luga ‘o le taualuga ‘o se fale ‘i Dunedin, ‘o se tasi ‘o tama talavou ‘e lelei tele ‘i le ta’aloga lakapi ‘i Southland. 

‘O Jayden Broome, ‘e ā’oga ‘i le Iunivesite ‘o Otago, ma na pa’ū mai le taualuga ‘o se fale nofo mautotogi ‘e fogāfale lua ‘i le tulimanu ‘o Castle St ma Dundas St ‘i Dunedin ‘i le pō ‘o le Aso Gafua pei ‘ona līpotia ‘e le The Southland Tribune.

‘O le ‘āmataga ‘o le tausaga nei, na filifilia ai Broome ‘i le ‘au lakapī ‘a Southland ‘o le 2025 Rugby Academy.  Sā fa’aleoleo ‘i le ‘au ‘a Southland ‘i ta’aloga tāpena ‘o le NPC ‘i le māsina ‘o Iūlai.  Na tā’ua ‘e leoleo, ‘e iai lo lātou talitonuga, na pa’ū le tama talavou ‘a’o taumafai ‘e pu’e se ata to’atele.  ‘Ua fa’atūlaga ‘e le ‘āiga ‘o Broome se sa’iligātupe ‘i luga ‘o le Givealittle ma ‘ua silia ma le 14,000 tālā le tupe ‘ua maua ai ‘e o’o mai ‘i le taimi nei.

Link to RNZ (Article) translated: https://www.rnz.co.nz/news/national/572685/student-who-fell-from-dunedin-roof-named

ATA: Supplied / Otago University Rugby Football Club (RNZ).