Fa’ailoa igoa ‘o tagata na mauaina le $1 miliona ‘i ni taufa’asesē ‘o le kānesa

‘O le vāiaso talu ai na taofia ai ‘e leoleo Andrew Stewart Jones ma Sepiuta Setaita Vave ma na tūla’i ‘i le Fa’amasinoga Fa’aitūmālō ‘o Queenstown ‘e tali ‘i mōliaga ‘o le taufa’asesē, na fōa’i ai ‘e o lā ‘āiga ma uō le silia ma le 1 le miliona tālā na o lā mo’omiaina ‘e fa’apea ‘o se tupe mo lā togafitiga ‘o kānesa. 

‘O le aso 25 Aukuso lea ‘e toe fo’i ai ‘i le fa’amasinoga ‘e tali ‘i o lā moliaga ta’i fa, ‘i ni solitūlāfono na faia ‘i le vā ‘o le 2021 ma Fepuari ‘o le tausaga nei.  Na ‘āmata ‘ona su’esu’eina ‘e le Tasman Organised Crime Unit ‘i le lua vāiaso talu ai ‘i lā’ua ia ‘e to’alua. 

‘O le taimi lea pei ‘ona tā’ua ‘e fa’apea sā soifua ‘i se soifuaga taugatā, ‘e aofia ai ni ta’avale taugatā ‘ae fa’atupe ‘i le agalelei ‘o tagata sa manatu, ‘o ni tupe ‘o togafitiga ‘o le kānesa.  ‘O lo’o fa’aauau pea su’esu’ega ‘i lea matā’upu ‘ina ‘ia mautinoa ‘e maua ‘uma tagata na aofia ‘i lea faiga taufa’avalea ‘e tusa ai ma se fa’aaliga ‘a le Tasman Organised Crime Unit.

Link to NZHerald (Article) translated: https://www.nzherald.co.nz/nz/south-island-couple-charged-with-100k-fraud-for-fake-cancer-treatment-named/6OAD27I6JBDEJKMHFHUTSVKO4U/

ATA: George Heard / NZHerald