Fa’ailoa fa’amuamua ‘a le pulenu’u fou ‘o Tauranga

‘Ua finagalo Mahe Drysdale, le pulenu’u fa’aolioli ‘o Tauranga ‘i tagata pālota, ‘ina ‘ia fua la lātou pālota ‘iā te ia, pe lātou te lagona ‘i le isi 4 tausaga ‘o lumana’i, ‘ua sili atu ‘ona tupu tāolaola le ‘a’ai.  ‘O le faigāpālota muamua lea ‘a Tauranga talu mai le lima tausaga, ma ‘o le Aso To’ona’i na fa’ailoa ai ni fuāinūmera ‘ua iai, ma ‘e 13,419 le aofa’iga ‘o pālota ‘a Drysdale mai le 82 pasene ‘o pālota ‘ua māe’a.  Pito ‘i ai Greg Brownless 8577, Tina Salisbury 7145 ma Ria Hall ‘e 5740.

‘I se fa’atalanoaga ‘i le Q & A ‘i le taeao ananafi, na saunoa ai Drysdale ‘i lona fa’agae’etia ‘i le ‘avea ‘o ia ma ta’ita’i ‘o le ‘a’ai lona lima lona telē ‘o Niu Sila.  O Drysdale, ‘ua fa’alua ‘ona siamupini ‘i le pine ‘auro mō Niu Sila ‘i le ‘Ōlimipeka ‘i le ta’aloga alo va’a.

ATA: 1 News