Fa’ailoa fa’amaumauga ‘o solitūlāfono mō le 2023/2024

‘I fa’amaumauga ‘o solitūlāfono mō le 2023/2024, ‘ua fa’ailoa ai, ‘o moliaga sā fa’amaonia ma fa’asalaina ai tagata na faia ia solitūlāfono, sa si’itia ‘i le 77 pasene ‘i le tausaga ‘i tua atu.  Sa tūmau pea ‘ona lē fa’amaonia le silia ma le ‘afa ‘o moliaga mō le fasioti tagata pa’ivalea (manslaughter). 

‘O lo’o fa’aauau pea ‘ona pito tele atu le methamphetamine ‘i le tūlaga ‘o fuāla’au fa’asāina, lea ‘e silia ma le 50 pasene ‘o moliaga ‘e fa’amaonia ma fa’asalaga.  ‘E silia ma le 70 pasene ‘o moliaga ‘i sāuaga matagā  sā āfāina ai ni talavou ‘i lalo ‘o le ta’i 16 tausaga le mātutua.  ‘Ua fa’amauina ‘i ia fa’amaumauga fou le si’itia maualuga ‘o le nūmera ‘o moliaga ‘o tagata ‘e fa’amaonia ma fa’asalaina ‘i le fasioti tagata fa’amoemoeina (murder), fa’apea le pa’ivalea ma le ‘ave ta’avale ‘ua maumau ai soifua. 

‘O lo’o aofia ai tagata ‘e to’a 51 ia na maumau soifua ‘i le osofa’iga ‘i fale tapua’i Mosalemi ‘i Kalaiesetete ‘i le tausaga ‘e 2019.  ‘E i luga la’itiiti atu ‘o le 270 miliona tālā le tupe na tu’uina atu mō ‘au’aunaga lea ‘e fa’atupe ai ‘e le mālō lōia mō tagata ‘e lē gafatia ‘ona totogi se lōia (legal aid) ‘i le tausaga. 

Link to RNZ (Article) translated by Savelina Kasiano: https://www.rnz.co.nz/news/national/528368/what-the-stats-say-murder-convictions-up-77-percent-meth-dominating-drug-landscape

ATA: RNZ / Rebekah Parsons-King