Fa’ailoa ‘e le sā’ili’iliga ‘a le 1News le tele atu ‘o tagata Niu Sila ‘e tete’e ‘i le Treaty Principles Bill ‘ae lē lagolagoina

‘Ua fa’ailoa ‘i se sā’ili’iliga ‘a le 1News-Verian, le tele atu ‘o isi tagata Niu Sila ‘e tete’e ‘i le Pili ‘o le Treaty Principles Bill.  ‘E na’o le 23 pasene ‘o tagata na tali ‘i le sā’ili’iliga ‘e lagolagoina le pili, ‘ae 36 na tete’e, peita’i ‘e 39 pasene na o lātou fa’ailoa, ‘e lē lava lo lātou silafia ‘i ai.  ‘E na’o le 2 pasene na mumusu ‘e fa’ailoa ni a lātou tali.

Sā va’ava’ai le sā’ili’iliga po’o le fesili fa’apālota po’o le ā le tele ‘o se lagolago ‘i le pili mai kulupu ‘ese’ese, mā ‘e 77 pasene le ‘au lagolago ‘a le ACT ‘e pito sili ‘ona lagolago ‘i le pili na fa’atūina ‘e lo lātou ta’ita’i, David Seymour.  ‘O sui lagolago ‘a le Greens ma le Vāega fa’a’upufai ‘a Māori, ‘e atagia mai le tele ‘o le tete’e ‘i le pili, ‘i le 68 ma le 67 pasene.

52 pasene ‘o tagata ‘e lagolago ‘i le Labour sa fa’ailoa lo lātou tete’e ‘i le pili, ‘ae 30 pasene le ‘au lagolago ‘a le National ‘e tete’e, 48 pasene le ‘au lagolago ‘a le NZ First na tete’e ‘i le Pili.  ‘O lea sā’ili’iliga na faia ‘i le vā ‘o Nōvema ma le Aso 4 ‘o Tēsema ‘ina ‘ua māe’a le hikoi mō te Tiriti, lea na sāvavali ai le faitau afe ‘i le Palemene ‘e lagolago ‘i le Feagaiga ‘i Waitangi ‘i Uēligitone ‘i le Aso Lua 19 Nōvema.

Link to RNZ (Article) translated by Savelina Kasiano: https://www.rnz.co.nz/news/political/536273/1news-verian-poll-suggests-more-kiwis-oppose-treaty-principles-bill-than-support-it

ATA: VNP / Louis Collins (RNZ).